- ԹԱՏԵՐԱՐՎԵՍՏ - ԿԻՆՈԱՐՎԵՍՏ
- ԵՐԳԱՐՎԵՍՏ - ԵՐԱԺՇՏՈՒԹՅՈՒՆ
- ԳԵՂԱՐՎԵՍՏ - ՃԱՐՏԱՐԱՊԵՏՈՒԹՅՈՒՆ
- ԳՐԱԿԱՆՈՒԹՅՈՒՆ
- ՊԱՐԱՐՎԵՍՏ
- ՀԵՌՈՒՍՏԱՏԵՍՈՒԹՅՈՒՆ
- ՀԱՅՈՑ ՑԵՂԱՍՊԱՆՈՒԹՅՈՒՆ
- ՍՏԱԼԻՆՅԱՆ ԲՌՆԱՃՆՇՈՒՄ
- ԿՈՄԻՏԱՍԻ ԱՆՎ. ՊԱՆԹԵՈՆ
- ԺՈՂՈՎՐԴԱԿԱՆ ԿՈՉՈՒՄՈՎ
- ԱՐՎ. ՎԱՍՏ. ԳՈՐԾԻՉՆԵՐ
- ՄՇԱԿ. ՎԱՍՏ. ԳՈՐԾԻՉՆԵՐ
- ՎԱՍՏԱԿԱՎՈՐ ԿՈՉՈՒՄՈՎ
Մկրտում Հովնաթանյան
Գեղանկարիչ
Մելքոն Գյուրջյան
Արձակագիր, հրապարակագիր
Հակոբ Տիրոյան
Բնագետ, գրող
Ռուբեն Օրբելի
Հնագետ
Պարույր Պարտիզպանյան
Գեղանկարիչ
Վահրամ Մուհենտիսյան
Ջութակահար, դիրիժոր
Վահրամ Եղշատյան
Դերասան
Էդուարդ Սաֆարյան
Ճարտարապետ
Վարուժան Խաստուր
Բանաստեղծ, թարգմանիչ
Անչոկ
Երգչուհի
Սամվել Բաղդասարյան
Դերասան, նմանակող
Նունե Մելիքյան
Ջութակահար
ԱՎԵՏ ԳԱԲՐԻԵԼՅԱՆ
Ջութակահար
7 ապրիլ, 1899 - 19 հունիս, 1983
Ավդեյ Տեր-Գաբրիելյան
Ծնվել է Դոնի Ռոստովում: 1921թ. ավարտել է Դոնի Ռոստովի երաժշտական ուսումնարանը: 1922-24թթ դասավանդել է Երևանի երաժշտական ստուդիայում, ապա՝ նորաստեղծ կոնսերվատորիայում: 1924-29թթ սովորել է Մոսկվայի կոնսերվատորիայում՝ պրոֆեսոր Լ.Ցեյտլինի դասարանում: 1925թ. ղեկավարել է Մոսկվայի հայ ուսանող երաժիշտների լարային կվարտետը (հետագայում՝ Կոմիտասի անվան): 1938թ-ից դասավանդել է Մոսկվայի կոնսերվատորիայում, որպես անսամբլային դասարանի դասատու (1946-54թթ վարել է նաև ջութակի մասնագիտական դասարանը): Նրա նվագացանկում զգալի տեղ են գրավել Լ.Բեթհովենի, Վ.Մոցարտի, Ֆ.Մենդելսոնի, Պ.Չայկովսկու, Ա.Խաչատրյանի ջութակի համար գրված կոնցերտները, Է.Լալոյի «Իսպանական սիմֆոնիան»: Ջութակահարի տաղանդը ակնհայտորեն դրսևորվել է կվարտետային նվագի բնագավառում, նրա գլխավորությամբ Կոմիտասի անվան կվարտետը 1938թ. կվարտետների համամիութենական մրցանակաբաշխությունում արժանացել է առաջին մրցանակի: Սովետական նշանավոր դաշնակահարներ Ա.Գոլդենվեյզերի, Կ.Իգումնովի, Հ.Նեյհաուզի, Վ.Մերժանովի և այլոց, ինչպես և տարբեր նվագախմբերի հետ նրա համերգային ելույթները ընդգրկել են ջութակի համաշխարհային գրականության մի նշանակալից բաժինը: Նրա նվագին բնորոշ է եղել արտիստականություն և վարպետություն, ռոմանտիկական ոգեշնչվածություն և հնչականություն: 1939թ. պարգևատրվել է Աշխատանքային կարմիր դրոշի շքանշանով, 1946թ. արժանացել ԽՍՀՄ, 1965թ.՝ ՀՀ Պետական մրցանակի: 1974թ. ստացել է Երևանի Կոմիտասի անվան, 1976թ.՝ Մոսկվայի Պ.Չայկովսկու անվան պետական կոնսերվատորիայի պրոֆեսորի կոչում: Նրա անունը փորագրված է Մոսկվայի կոնսերվատորիայի առավել աչքի ընկնող շրջանավարտների մարմարյա «Պատվո տախտակին» (1929թ.): 1945թ. արժանացել է Հայաստանի ժողովրդական արտիստի կոչման: Մահացել է Մոսկվայում, թաղված է Երևանում: Ավետ Գաբրիելյանի անունով է կոչվել Երևանի թիվ 12 երաժշտական դպրոցը:
