ՆԻԿՈԼԱՅ ՄԱՆՈՒԿՅԱՆ

Գեղանկարիչ, գրաֆիկ

10 հունվար, 1946 - 6 դեկտեմբեր, 2018

Ծնվել է Թբիլիսիում: Հայտնի է եղել նաև «Նիկօ» անունով: 1962-65թթ սովորել է Երևանի պոլիտեխնիկական ինստիտուտում: 1972թ. ավարտել է Թբիլիսիի գեղարվեստի ակադեմիան: 1972թ-ից որպես նկարիչ-ձևավորող աշխատել է «Հայֆիլմ» կինոստուդիայում, հայկական մի շարք պարբերականներում` «Պիոներ կանչ», «Հայություն», «Ոզնի», «Սովետական Հայաստան» և այլն: Ձևավորել է բազմաթիվ գրքեր` «Թագավորի երազները», «Սրամիտ և միամիտ ջավախքցիները», «Ավարայրի լույսը», «Սևուկի արկածները», «Ամենից չքնաղը» և այլն: Ստեղծել է ծաղրանկարներ, գեղանկարներ` «Աղջիկը ծաղիկների աշխարհում», «Արևածաղկի դաշտ», «Լուսնի սոնետ», «Դիմակահանդես», «Տասներեքերորդ ամիսը» և այլն: 1989թ-ից անհատական ցուցահանդեսներ է ունեցել տարբեր երկրներում` Ռուսաստան, Ճապոնիա, Ֆրանսիա, Բրազիլիա, Հունաստան, Կանադա և այլուր: Մասնակցել է նաև միջազգային մրցույթների և ցուցահանդեսների: 1970թ. Ճապոնիայում արժանացել է բրոնզե մեդալի: Եղել է Հայաստանի ժուռնալիստների, 2014թ-ից՝ գրողների միությունների անդամ։ 14 տարի եղել է Սփյուռքահայության հետ մշակութային կապի կոմիտեի գլխավոր նկարիչը, 2008թ-ից՝ «Իրատես» թերթի գեղարվեստական խմբագիրը: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար