Ռուբեն Զարդարյան

Արձակագիր, բանաստեղծ, թարգմանիչ

Սամվել Սաֆարյան

Ճարտարապետ

Հոբոս Ապեր

Մանկագիր, բանաստեղծ

Բակուր

Արձակագիր

Գևորգ Կակոսյան

Օպերային երգիչ

Մարիամ Շահինյան

Մշակույթի գործիչ

Հասմիկ Ավետիսյան

Գեղանկարչուհի

Մարինե Զաքարյան

Կինոռեժիսոր

 

 

 

 

ՌՈՒԲԵՆ ՇԱՀՎԵՐԴՅԱՆ

Գեղանկարիչ, խեցեգործ

13 նոյեմբեր, 1900 - 14 օգոստոս, 1976

Ծնվել է Վրաստանի Սիղնաղ գյուղում: Եղել է երաժշտագետ Ալեքսանդր Շահվերդյանի եղբայրը: 1919-24թթ սովորել է Թիֆլիսի նկարչության և քանդակագործության դպրոցում` Եղիշե Թադևոսյանի դասարանում: Վաղ շրջանի կտավներում նկատելի է հակում դեպի դեկորատիվությունը` «Սաքսոնյան ճենապակի» (1925թ.), «Վենետիկ» (1926թ.): 1941թ. տեղափոխվել է Երևան: 1958թ-ից զբաղվել Է խեցեգործությամբ: Պատկերել Է Թիֆլիսի, Հայաստանի կենցաղը, բնությունը: Գործերից են` «Արագած» (1950թ.), «Ծծմբային բաղնիքները Թիֆլիսում» (1956թ.), «Հավլաբար» (1967թ.), «Աղավնաձոր» (1968թ.) երփնագրերը, «Հեծյալը» (1965թ.), «Փոքրիկ հովիվը» (1966թ.), «Կինտո» (1968թ.), «Երաժշտություն» (1973թ.), «Ոսկեվազցի աղջիկը» (1975թ.) խեցեգործական աշխատանքները: Երփնագրերն աչքի են ընկնում լոկալ գույներով, զարդանկարային պատկերմամբ, խեցեղեն աշխատանքները` արևելյան արվեստին հատուկ հագեցած ու գեղեցիկ ոճավորմամբ: 1967թ. արժանացել է Հայաստանի ժողովրդական նկարչի կոչման: Մահացել է Երևանում: