ԼԻԼՈՒ

Լիլիթ Ղուկասյան

Ծնվել է 1983թ. հուլիսի 5-ին, Երևանում: 2000թ. ավարտել է ՀՀ Արմավիր քաղաքի թիվ 4 միջնակարգ դպրոցը: 2002-04թթ սովորել է Երևանի Ռ.Մելիքյանի անվան երաժշտական ուսումնարանում, 2004-06թթ` Հայաստանի Երգի պետական թատրոնի վոկալի բաժնում` Արմեն Գևորգյանի դասարանում: 2003թ. «Թաց սեր» հիթով մուտք է գործել հայկական երգարվեստ: Նկարահանել է ավելի քան 10 տեսահոլովակ, ունի հեղինակային երգեր: Մասնակցել է մի շարք համերգների արտասահմանում և Հայաստանում: Նկարահանվել է «Արմենիա» հեռուստաընկերության «Ճակատագրի գերիներ» հեռուստասերիալում, «Ֆորտ Բոյարդ», «Երե1» հեռուստանախագծերում: 2010թ. մասնակցել է «Սլավյանսկի բազար» երգի միջազգային մրցույթին: Թողարկել է «Վերջացավ» (2009թ.), «ClubMix» (2010թ.), «Քեզ համար» (2013թ.) ձայնասկավառակները: