Պողոս Օտյան

Պետական գործիչ, մանկավարժ

Գրիգոր Օտյան

Պետական գործիչ, հրապարակախոս

Հակոբ Օշական

Արձակագիր, դրամատուրգ

Հակոբ Խաչատրյանց

Գրականագետ, թարգմանիչ

Բագրատ Ուլուբաբյան

Պատմաբան, բանաստեղծ, արձակագիր

Կարո Սարաֆյան

Կիթառահար

Ալեքսանդր Չաուշյան

Թավջութակահար

Արթուր Ավանեսով

Դաշնակահար, կոմպոզիտոր

Ժիրայր Ոսկանյան

Հաղորդավար

 

 

 

 

ՆԱՐԻՆԵ ՍՈՒԼԹԱՆՅԱՆ

Հաղորդավար, դերասանուհի

Ծնվել է 1979թ. մարտի 2-ին, Երևանում: Հաղորդավար, պրոդյուսեր Մարինա Սուլթանյանի քույրն է: 1996թ. ավարտել է Երևանի Ա.Չեխովի անվան թիվ 55 միջնակարգ դպրոցը: Զուգահեռ ավարտել է պարարվեստի ուսումնարանը: Ավարտել է նաև «Բարեկամություն» պարի անսամբլի ստուդիան, Հ.Իգիթյանի անվան գեղագիտական կենտրոնը, 1986թ.` երաժշտական դպրոցի դաշնամուրային բաժինը: Մասնակցել է մի շարք փառատոների, որից հետո 2002թ. ավարտել է Երևանի թատրոնի և կինոյի պետական ինստիտուտի դերասանական բաժինը: Զուգահեռ դասավանդել է պար Սոֆի Դևոյանի մշակույթի կենտրոնում: Ուսանողական տարիներին արժանացել է մի շարք մրցանակների: 2000-02թթ խաղացել է Երևանի Հ.Մալյանի անվան թատրոնում` որպես դերասանուհի: 2001-05թթ աշխատել է «Մետեո ԹիՎի» հեռուստաընկերությունում` որպես հաղորդավար, 2002-03թթ վարել է «Որակի նշան» հաղորդումը, 2002-04թթ խաղացել է Երևանի Փոքր թատրոնում: 2003-05թթ «Երկիր Մեդիա» հեռուստաընկերությունում վարել է «Նամականի» հաղորդումը: 2004-06թթ խաղացել է Երևանի «Գոյ» թատրոնում: Մասնակցել է մի շարք թատերական ներկայացումների և շրջագայությունների: 2005-06թթ հանդիսացել է «Ջազզվե» ընկերության գովազդային դեմքը և վարել է Հայաստանի հանրային հեռուստաընկերության «Սրճենք» հաղորդումը: 2006-07թթ «Արմենիա» հեռուստաընկերությամբ վարել է «Երբ պարում են աստղերը» նախագիծը, 2007-08թթ «ԹիՎի 5» հեռուստաընկերությամբ` «Բլից» հաղորդումը, 2009թ. «Շանթ» հեռուստաընկերությամբ` «Հայսուպերսթար 4» նախագիծը: 2013թ-ից վարում է «Արմենիա» հեռուստաընկերությամբ հեռարձակվող «Նանե» հաղորդումը: Արժանացել է «Տարվա ոճային հաղորդավար» մրցանակին: 2013թ-ից դասավանդում է Երևանի թատրոնի և կինոյի պետական ինստիտուտում: Վարել է հանդիսություններ, միջոցառումներ, մրցանակաբաշխություններ, համերգներ: Խաղացել է «Ճակատագիր» (2005թ.), «Ալա Բալա Նիցա» (2011թ.) և այլ ֆիլմերում: