Հակոբ Նալյան

Մատենագիր, եկեղեցական գործիչ

Պետրոս Շանշյան

Մանկավարժ

Ստեփան Տետեյան

Հրատարակիչ, թարգմանիչ

Արշակ Կոստանյան

Օպերային երգիչ

Համաստեղ

Արձակագիր

Արուս Ասրյան

Դերասանուհի

Հեղինե Աբրահամյան

Գեղանկարչուհի

Թամար Դեմուրյան

Դերասանուհի, ասմունքող

Սուրեն Մուրադյան

Բանաստեղծ, մանկագիր, երգիծաբան

Կոն Ալմա

Ջազ խումբ

 

 

 

 

ԿՈՄԻՏԱՍ ԴԱՆԻԵԼՅԱՆ

Արձակագիր

7 սեպտեմբեր, 1947 - 12 հունիս, 2019

Ծնվել է Արցախի Մարտունու շրջանի Նորշեն գյուղում: Ավելի քան երեք տասնամյակ զբաղվել է լրագրական-խմբագրական աշխատանքով: 1979-91թթ եղել է Ասկերանի շրջանային «Կարմիր դրոշ» (ապա` «Խաչեն»), 1995թ.` Արցախի գրողների միության «Եղիցի լույս», 2001-02թթ` Արցախի կրթության նախարարության «Լուսարար», 2000-06թթ` Արցախի ազատամարտիկների միության «Հայրենյաց պաշտպան» թերթերի հիմնադիր-խմբագիրը: 1993-94թթ խմբագրել է հանրապետական «Արցախ» (այժմ` «Ազատ Արցախ») թերթը: 2006թ-ից եղել է Ստեփանակերտի Վ.Փափազյանի անվան պետական դրամատիկական թատրոնի տնօրենը: Հեղինակել է «Անկնիք նամակներ» (1981թ.), «Երաշտ տարի» (1989թ.), «Դեմ հանդիման» (1996թ.), «Ճիչ» (2005թ.), «Ամարասի զանգերը» (2006թ.), «Երկհատորյակ» (2017թ.) և այլ պատմվածքների ժողովածուներ, արցախյան ազատամարտին նվիրված «Արցախը` չսանձած նժույգ» փաստավավերագրական վեպը (2001թ.): 2007թ. լույս է տեսել «Պորտալար» ժողովածուն, որն ընդգրկում է Արցախյան գոյամարտի թեմաներով գրած նրա պատմվածքներն ու «Արցախը` չսանձած նժույգ» վեպի լրամշակված տարբերակը: «Դեմ հանդիման» գրքի համար արժանացել է Արցախի կառավարության Եղիշեի անվան մրցանակի: Հեղինակել է նաև Արցախի ազգային-ազատագրական պայքարի թեմայով գրված «Պըլը Պուղին Մոսկովում» ու «Մենք մեր սարերն ենք» (2012թ.) և Հայոց մեծ եղեռնին նվիրված «Տո լաճ տնավեր» պիեսները: Վերջին երկուսը բեմադրվել են Ստեփանակերտի թատրոնում: Կազմել ու խմբագրել է արցախցի արձակագիրների Արցախյան շարժման թեմաներով գրված պատմվածքների «Վերջին գնդակը» ժողովածուն (2005թ.): Ակտիվ մասնակցություն է ունեցել 2005թ. Սանկտ Պետերբուրգում հրատարակված (ռուսերեն) «Արցախ-Ղարաբաղի հանրագիտարան»-ի ստեղծմանը: Արժանացել է Արցախի «Վաչագան Բարեպաշտ» և «Մայրական երախտագիտություն` Արցախի քաջորդիներին» մեդալների, 2012թ.՝ Հայաստանի թատերական գործիչների միության ոսկե մեդալի, 2015թ.՝ Արցախի գրողների միության մրցանակի, 2016թ.՝ «Հրանտ և Մանուշակ Սիմոնյաններ» գրական հիմնադրամի մրցանակին, 2017թ.՝ ՀՀ ՊՆ առաջին մրցանակի, 2018թ.՝ Արցախի «Մխիթար Գոշ» մեդալի: Մահացել է Ստեփանակերտում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար