Գևորգ Աքիմյան

Թարգմանիչ

Ջավախեցի

Արձակագիր, լրագրող

Ֆրունզե Ելանյան

Բալետի արտիստ, պարուսույց

Արտավազդ Փելեշյան

Կինոռեժիսոր

Արասի Բալաբանյան

Դերասանուհի

Ռաֆայել Գասպարյանց

Կինոռեժիսոր, կինոօպերատոր

Գրիգոր Մարիկյան

Բեմանկարիչ, գրաֆիկ

Շմավոն Շմավոնյան

Գեղանկարիչ

Աշոտ Ազատյան

Գեղանկարիչ

ԴերՀովա

Կոմպոզիտոր

 

 

 

 

ՀԱՐՈՒԹՅՈՒՆ ԴԵԼԼԱԼՅԱՆ

Կոմպոզիտոր

8 օգոստոս, 1937 - 23 ապրիլ, 1990

Ծնվել է Աթենքում: Նախնական կրթությունն ստացել է տեղի հայկական Կաթողիկե եկեղեցու դպրոցի տարրական դասարաններում: 1947թ. տեղափոխվել է Խորհրդային Հայաստան, հաստատվել Երևանում: Երկար տարիներ աշխատել է Երևանի ֆրեզերային հաստոցների գործարանում: 1968-72թթ սովորել է Երևանի Ռ.Մելիքյանի անվան ուսումնարանի տեսական և ստեղծագործական բաժիններում: Որպես դիպլոմային աշխատանք ներկայացրել է «Stabat Mater» տրիոն և Կոմիտասական երգաշարը: 1977թ. ավարտել է Երևանի Կոմիտասի անվան պետական կոնսերվատորիան: Եղել է Էդվարդ Միրզոյանի, Ղազարոս Սարյանի, Ավետ Տերտերյանի և Էդուարդ Բաղդասարյանի աշակերտը: Այդ ժամանակ արդեն երկու տասնյակ երկերի հեղինակ է եղել (դաշնամուրի, ջութակի, թավջութակի, կլարնետի, ֆագոտի համար գրված ստեղծագործություններ, մի քանի սիմֆոնիա, մանկական օպերա և այլն): 1975թ. գրել է «Փեփուշ» օպերան: 1979թ. Հայֆիլհարմոնիայի փոքր դահլիճում առաջին անգամ կատարել է Թավջութակի և դաշնամուրի սոնատը, 1982թ.՝ ՀԿՄ կամերային և խմբերգային երաժշտության պլենումում «Meditations» կլարնետի և դաշնամուրի համար, 1984թ.՝ ՀԿՄ համագումարում «Նվիրում Կոմիտասին» սոնատը, որը 1985թ. Արթուր Փափազյանի կատարմամբ հնչել է Տորոնտոյի կոնսերվատորիայի համերգային դահլիճում, Վաշինգտոնում՝ Սպիտակ Տան համերգային դահլիճում, Նյու Յորքի «Քարնեգի Հոլ»-ում, Միլանի «Sala Maggiore» և «Teatro della Erbe» դահլիճներում: 1985թ. ապրիլի 24-ին, Վենետիկի «Սուրբ Մարկոս» տաճարում Պերճ Ժամկոչյանի կատարմամբ հնչել է «Հաղթական Ռեքվիեմը»: 1985թ. Նովոսիբիրսկի կոնսերվատորիայի համերգային մեծ դահլիճում տեղի է ունեցել կոմպոզիտորի հեղինակային համերգը: 1986թ. Բոստոնում առաջին անգամ կատարել է «Topophono»-ն: Նույն թվականին ընտրվել է Քեմբրիջ-Երևան եղբայր քաղաքների ընկերության անդամ, Էդվարդ Միրզոյանի հետ հրավերով հյուրընկալվել ԱՄՆ-ում: Դասավանդել է Երևանի Արվեստի թիվ 1 դպրոցում: 1988թ. համերգներով և դասախոսություններով հանդես է եկել Հունաստանում և Կիպրոսում: 1987թ. ԱՄՆ Քալիֆորնիայի կինոյի և հեռուստատեսության խորհրդի կողմից պարգևատրվել է «Սուպեր սթար» և ոսկե փառապսակով: 1979թ-ից եղել է Հայաստանի կոմպոզիտորների միության անդամ: Մահացել է Երևանում:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար