Մելքոն Գյուրջյան

Արձակագիր, հրապարակագիր

Հակոբ Տիրոյան

Բնագետ, գրող

Վահրամ Մուհենտիսյան

Ջութակահար, դիրիժոր

Էդուարդ Սաֆարյան

Ճարտարապետ

Վարուժան Խաստուր

Բանաստեղծ, թարգմանիչ

Անչոկ

Երգչուհի

Սամվել Բաղդասարյան

Դերասան, նմանակող

Ավետիք Էլոյան

Ճարտարապետ

Նունե Մելիքյան

Ջութակահար

 

 

 

 

ԱՐԱՔՍԻ ՍԱՐՅԱՆ

Երաժշտագետ, արվեստաբան

17 օգոստոս, 1937 - 26 սեպտեմբեր, 2013

Արաքսյա Հարությունյան

Ծնվել է Լենինականում (այժմ` Գյումրի): Եղել է դերասան Արծրունի Հարությունյանի դուստրը և կոմպոզիտոր Ղազարոս Սարյանի կինը: 1955թ. ավարտել է Լենինականի Ք.Կարա-Մուրզայի անվան երաժշտական ուսումնարանը, 1961թ.` Երևանի Կոմիտասի անվան պետական կոնսերվատորիան, 1965թ.` Հայաստանի ԳԱ հնագիտության և ազգագրության ինստիտուտի ասպիրանտուրան, որից հետո եղել է նույն ինստիտուտի գիտական աշխատող: Երկար տարիներ դասավանդել է երաժշտական դպրոցում: Աշխատել է Հայաստանի ազգային ռադիոյում` որպես խմբագիր: 1969թ-ից դասավանդել է Երևանի կոնսերվատորիայում, եղել է երաժշտության պատմության ամբիոնի վարիչը (1986թ-ից՝ պրոֆեսոր): Հեղինակել է հայկական երաժշտությանը վերաբերող մի շարք աշխատություններ, տասը մենագրություն, գրքերի թարգմանություններ, շուրջ հիսուն գիտական հոդվածներ, բազմաթիվ հրապարակումներ պարբերական մամուլում, հեռուստատեսային հաղորդումներ, զեկուցումներ հայաստանյան և միջազգային գիտաժողովներում: 1969թ. ստացել է արվեստագիտության թեկնածուի աստիճան: Երկար տարիներ ղեկավարել է ՀՀ պետական մրցանակի հանձնաժողովը` երաժշտական արվեստի բնագավառում: Եղել է Հայաստանի կոմպոզիտորների միության անդամ: 2004-13թթ եղել է ՀՀ Պետական մրցանակների երաժշտության գծով հանձնաժողովի և Հայաստանի կոմպոզիտորների միության երաժշտագիտական սեկցիայի նախագահը: 2008թ. արժանացել է Հայաստանի արվեստի վաստակավոր գործչի կոչման, 2011թ.՝ «Ազգային ժողովի պատվո», 2013թ.` «Երևան քաղաքի մշակույթի պատվավոր գործիչ» մեդալների: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար