ԱՐՇԱԿ ԶԱՔԱՐՅԱՆ

Ծնվել է 1968թ. օգոստոսի 8-ին, Երևանում: Սովորել է Երևանի Խ.Դաշտենցի անվան թիվ 114 միջնակարգ դպրոցում: 1978-84թթ սովորել է Երևանի մանկական թատրոնում` ռեժիսոր Գրիգոր Տալյանի (այժմ` Տեր Կյուրեղ) մոտ, 1985-91` Երևանի պոլիտեխնիկական ինստիտուտի լեռնամետալուրգիական ֆակուլտետում: 2011թ. նկարահանել է առաջին ֆիլմ-հոլովակը` «Իմ Երևան»-ը: Նկարահանել է բազմաթիվ կարճամետրաժ սոցիալական հոլովակներ, այդ թվում` Հայաստանի զինված ուժերը գովազդող «Թռիչք», «Ամենաթանկը» «Հզոր բանակ», «Լավագույն տղերքը ծառայում են» հոլովակները, հակաթուրքական, տեղական արտադրությանը խթանող «Բոյկոտ», «Բոյկոտ-2» հոլովակները: 2012թ. նկարահանել է «Կինը» գեղարվեստական կարճամետրաժ կինոնկարը, որն արժանացել է բազմաթիվ մրցանակների, այդ թվում` «Լավագույն հայրենասիրական ֆիլմ»: 2013թ. նկարահանել է «Անպետքը» գեղարվեստական կինոնկարը, որն արժանացել է Հայաստանի կինեմատոգրաֆիստների միության «Տարվա բացահայտում» մրցանակին: 2016թ-ից «Շանթ» հեռուստաընկերության եթերով հեղինակել և վարել է «Դիրքերում» հաղորդաշարը: «Հայոց ազգային գվարդիա» հասարակական կազմակերպության ղեկավարն է: