Գևորգ Չմշկյան
Դերասան, բեմադրիչ
Գևորգ Այվազյան
Լրագրող, հրապարակախոս
Օլգա Մայսուրյան
Դերասանուհի
Մկրտիչ Պարսամյան
Արձակագիր, գրականագետ
Ստեփան Բաղդասարյան
Դրամատուրգ, բժիշկ
Ստեփան Բարխուդարով
Լեզվաբան, բառարանագիր
Սիմոն Գալստյան
Գեղանկարիչ
Էդգար Էլբակյան
Դերասան
Կարապետ Եղիազարյան
Գեղանկարիչ, գոբելենագործ
Ալբերտ Պարսամյան
Գեղանկարիչ
Մարտին Միքայելյան
Արվեստաբան, գեղանկարիչ
Լենորդ Զաքարյան
Գեղանկարիչ
Ստեփան Շահինյան
Դերասան
Գառնիկ Ասատրյան
Բանասեր, պատմաբան
Կարեն Մաթևոսյան
Պատմաբան
Արմեն Թադևոսյան
Դերասան, պրոդյուսեր
Հասմիկ Սիմոնյան
Բանաստեղծ
ԷԼՄԻՐԱ ՀԵՔԵՔՅԱՆ
Կինոռեժիսոր, բեմադրիչ
29 փետրվար, 1928 - 20 փետրվար, 2019
Էլմիաննա Աբրահամյան
Ծնվել է Գանձակում (այժմ` Կիրովաբադ): Մասնակցել է Երկրորդ համաշխարհային պատերազմին (1941-45թթ): 1949թ-ից աշխատել է Հայաստանի հանրային ռադիոյի խմբագրությունում: 1953թ. ավարտել է Երևանի գեղարվեստաթատերական ինստիտուտը, 1975թ.` Մոսկվայի հեռուստատեսության համամիութենական ինստիտուտի գլխավոր ռեժիսորների դասընթացները: 1946-48թթ աշխատել է Բաքվի Լ.Երամյանի անվան, 1953-57թթ` Երևանի ռուսական թատրոններում: 1953թ-ից (ընդհատումներով) դասավանդել է Երևանի պարարվեստի, երաժշտական ուսումնարաններում, թատերական ինստիտուտում: 1956թ-ից եղել է Հայաստանի հեռուստատեսության ռեժիսոր: Հեղինակել է բազմաթիվ մշակութային, մանկական, գիտական, գյուղատնտեսական հեռուստահաղորդաշարեր` «Զրույցներ գեղագիտության մասին», «Գեղեցիկի աշխարհում», «Շախմատային այբուբեն», «Թատերական հուշեր», «Վարք ու բարք», «Հասմիկ» և այլն: Հեղինակել է նաև «Հայ թատրոնի պատմություն» հաղորդաշարը` նվիրված հայ բեմի մեծերին` «Սիրանույշ», «Պետրոս Ադամյան», «Վահրամ Փափազյան», «Հրաչյա Ներսիսյան», «Հովհաննես Աբելյան» և այլն: Նկարահանել է «Մինչև 16 տարեկաններին թույլատրվում է․․․» ֆիլմը, որը 1964թ. արժանացել է Համամիութենական կինոփառատոնի առաջին մրցանակին, 1965թ.` Պրահայի միջազգային կինոփառատոնի դիպլոմի: Լուիզա Սամվելյանի համագործակցությամբ ներկայացրել է համաշխարհային դրամատուրգիայի եզակի նմուշներ` բեմադրելով Արիստոֆանի «Ամպերը», Եվրիպիդեսի «Իֆիգենիան Ավլիսում» (երկուսն էլ` 1971թ.), Ջ.Բրունոյի «Մոմակալը» (1973թ.) և այլն: 1948թ-ից եղել է Հայաստանի թատերական գործիչների միության անդամ, 2006թ-ից` Բնական գիտությունների եվրոպական, 2009թ-ից` Բնության և հասարակական գիտության միջազգային, 2011թ-ից` Հայաստանի Հեռուստատեսության և ռադիոյի ակադեմիաների իսկական անդամ, 1992թ-ից՝ «Հայաստանի փոքրիկ երգիչներ» միջազգային ասոցիացիայի փոխնախագահը: Արժանացել է մի շարք պետական պարգևների, պատվոգրերի, մեդալների, մրցանակների: 1986թ. արժանացել է Հայաստանի արվեստի վաստակավոր գործչի կոչման, 2008թ.` ՀՀ «Մարշալ Բաղրամյան», 2009թ.` ՀՀ «Գարեգին Նժդեհ», 2018թ.՝ ՀՀ «Մովսես Խորենացի» մեդալների: Մահացել է Երևանում:
