ԳԱՍՊԱՐ ԻՓԵԿՅԱՆ

Թատերական գործիչ

19 հունվար, 1884 - 30 դեկտեմբեր, 1952

Ծնվել է Կոստանդնուպոլսում։ Եղել է բեմադրիչ, դերասան Արմեն Արմենյանի եղբայրը: Նախնական կրթությունն ստացել է Կ.Պոլսում: Հետևել է Լոզանի համալսարանի և Փարիզի Պոլ Մանեի կոնսերվատորիայի դասընթացներին, ապա ավարտել Սորբոնի համալսարանի իրավաբանական ֆակուլտետը։ Որոշ ժամանակ բնակվել է Կահիրեում, որտեղ զբաղվել է առևտրով: 1908թ. եկել է Թիֆլիս` եղբոր մոտ և կապվել հայ թատրոնին։ 1914թ. առաջին աշխարհամարտի տարիներին զբաղվել է կազմակերպչական աշխատանքներով, եղել է Անդրանիկի զորքի պարենավորման և արտաքին հարաբերությունների ղեկավարը: 1920թ. տեղափոխվել է Իրաք, ապա` Եգիպտոս: Ֆրանսերենից թարգմանել է պիեսներ, որոնք բեմադրվել են արևելահայ բեմում։ Հեղափոխությունից հետո մեկնել է արտասահման: 1932թ. Բեյրութում, Լևոն Շանթի հետ հիմնել է «Համազգային թատերախումբը», որը նրա մահից հետո կոչվել է իր անունով։ Գրել է պիեսներ, որոնցից «Արա և Շամիրամը» 1948թ. լույս է տեսել Բեյրութում: Մահացել է Բեյրութում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար