ՔՆԱՐԻԿ

22 հունվար, 1880 - 26 դեկտեմբեր, 1907

Մարգարիտ Բաբալյան

Ծնվել է Աստրախանում: Նախնական կրթությունն ստացել է տեղի հայկական դպրոցում: Հոր մահից հետո ընտանիքով տեղափոխվել է Բաքու: 1898թ. մեկնել է Պետերբուրգ, որտեղ հաջողությամբ ավարտել է դրամատիկական երկամյա կուրսերը: Վերադառնալով Բաքու` աշխատել է հայկական դրամատիկ թատերախմբում: 1901թ-ից եղել է Բաքվի հայկական դերասանական խմբի դերասանուհի: «Քնարիկ» բեմական անունը տվել է Սիրանույշը: Հովհաննես Աբելյանի և Սիրանույշի խմբերի հետ ելույթներ է ունեցել Նոր Նախիջևանում, Աստրախանում, Շուշիում, Միջին Ասիայում: Դերասանուհու գործունեության ամենանշանակալից շրջանը եղել է 1904-05թթ թատերաշրջանը: Հայ թատրոնում առաջինն է մարմնավորել Մարգարիտի և Ռուքայայի դերերը Ա.Շիրվանզադեի «Պատվի համար» և Յուժին-Սումբատովի «Դավաճանություն» ներկայացումներում: Թարգմանել ու բեմադրել է Ա.Չեխովի «Ճայը» (1905թ., նաև խաղացել է Նինա Զարեզնայայի դերը): Խաղացած ներկայացումներից են նաև` Ս.Թառայանի «Արշալույս» (Արշալույս), Վ.Շեքսպիրի «Օթելլո» (Դեզդեմոնա), «Համլետ» (Օֆելյա), «Լիր արքա» (Կորդելիա), «Վենետիկի վաճառականը» (Ջեսիկա) և այլն: 27 տարեկան հասակում, հոգեկան ծանր իրավիճակում թույն ընդունելով, Բաքվում ինքնասպան է եղել:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ