Սիրանույշ
Դերասանուհի
Սարգիս Քամալյան
Բանահավաք, արձակագիր, թարգմանիչ
Մարիամ Տիգրանյան-Տեր-Մարտիրոսյան
Դաշնակահար
Լևոն Սաղաթելյան
Դրամատուրգ
Համբարձում Պերպերյան
Կոմպոզիտոր, դիրիժոր
Խաչիկ Դաշտենց
Արձակագիր, բանաստեղծ, թարգմանիչ
Գուրգեն Շահնազ
Բանաստեղծ
Նվարդ Ասատրյան
Դերասանուհի
Աիդա Հայրապետյան
Թարգմանիչ, գրականագետ
Սերգեյ Առաքելյան
Դերասան, արվեստաբան
Արծվին Գրիգորյան
Ճարտարապետ
Տավրոս Դաշտենց
Կինոսցենարիստ, կինոգետ
Վաչագան Սարգսյան
Գրող, թարգմանիչ
Արթուր Փափազյան
Դաշնակահար
Ֆորշ
Երգիչ, երգահան
Էդուարդ Քալանթարյան
Մարզական մեկնաբան
Հասմիկ Վերդյան
Դերասանուհի
Առաքել Մաղաքյան
Թավջութակահար
Արամ Ավետիս
Արձակագիր, կինոգետ
ՍԵԴԱ ՎԵՐՄԻՇԵՎԱ
Բանաստեղծ
9 հոկտեմբեր, 1932 - 18 փետրվար, 2020
Ծնվել է Թբիլիսիում: Հայրական կողմից սերել է Արղության-Երկայնաբազուկյան տոհմից: 1956թ. ավարտել է Երևանի պետական համալսարանի տնտեսագիտության ֆակուլտետը և ասպիրանտուրան: Շուրջ 25 տարի որպես ավագ գիտաշխատող աշխատել է ՀՀ Տնտեսագիտության և պլանավորման ինստիտուտում: 1987-88թթ եղել է ԽՍՀՄ մշակույթի ֆոնդի հայկական բաժանմունքի, 1993թ-ից՝ ԼՂՀ Մոսկվայում մշտական ներկայացուցչության փորձագետ, 1995-98թթ, միաժամանակ՝ Ռուս-հայկական նախաձեռնությունների կենտրոնի պատասխանատու քարտուղարը, 1994-99թթ՝ ՌԴ Պետդումայի և ՀՀ ԱԺ կապերի հանձնաժողովի նախագահ Նիկոլայ Ռիժկովի օգնական-խորհրդականը (հասարակական կարգով), «Գոլոս Արմենիի» թերթի ՌԴ ԱԳՆ-ում հավատարմագրված թղթակից։ 1988-ից մասնակցել է Արցախյան հիմնախնդրի լուծման գործընթացին, հրապարակել ու տարածել է պատերազմին վերաբերող տեղեկատվական-վերլուծական ամփոփագրեր։ Հարցի կարգավորման քաղաքական լուծումների շրջանակներում համագործակցել է «Մոսկովյան տրիբունա» կազմակերպության, Ռուսաստանի մտավորականների «Ղարաբաղ» կոմիտեի («КРИК»), «Մեմորիալ» ընկերության հետ։ Հեղինակել է ավելի քան 15 բանաստեղծական գրքեր: Հրատարակվել են նրա «Արևը բարձրակետում» (1970թ.), «Առկայծող կետագծեր» (1974թ.), «Տերևներ» (1982թ.), «Ժայռանախշեր» (1988թ.), «Անհարթ սեպագիր» (1999թ.), «Սիրո թև» (1999թ.), «Քարից և ավազից» (2005թ.) բանաստեղծությունների ժողովածուները: Բանաստեղծությունների հիմնական թեման սերն է, հայրենի աշխարհը: Հեղինակել է նաև վերլուծական ուսումնասիրություններ («Իշխանության կենտրոնացումը` Ռուսաստանի ներքին գաղափարի հրամայականը», 2002թ.)։ 1974թ-ից եղել է Հայաստանի գրողների միության անդամ, 2003թ-ից՝ ռուսալեզու գրողների բաժանմունքի նախագահը: Անդամակցել է նաև Մոսկվայի գրողների միությանը (1991թ-ից), Ռուսաստանի Հայերի միության վարչությանը (2001թ-ից) և ՌԴ կառավարությանն առընթեր ռուս-հայկական բարեկամության նախագահությանը (1993-2006թթ), Մշակույթի աջակցության միջազգային ընկերակցությանը (2006թ-ից): Ծավալել է լայն հասարակական գործունեություն: Արժանացել է ԼՂՀ «Մայրական երախտագիտություն Արցախի քաջորդիներին» շքանշանին, 2002թ.` Ռուսաստանի Հայերի միության ադամանդակուռ արծաթե խաչի, 2004թ.՝ ՌԴ ԳԱ Շոլոխովի հուշամեդալի, 2005թ.` ՀՀ «Ներսես Շնորհալի» շքանշանի, 2006թ.՝ ՀԳՄ ամենամյա մրցանակի, 2009թ.` ՀԳՄ Հակոբ Մեղապարտի անվան հուշամեդալի: Մահացել է Երևանում:
