Սրբուհի Գալֆայան

Ասեղնագործ

Գևորգ Դոդոխյան

Բանաստեղծ

Ասատուր Կախոյան

Լրագրող, պետական գործիչ

Ալեքսանդր Խատիսյան

Պետական գործիչ, լրագրող

Նինա Մանուչարյան

Դերասանուհի

Գրիգոր Ղափանցյան

Լեզվաբան, հայագետ

Սեմյոն Հախումյան

Գրականագետ

Դավիթ Հովհաննես

Բանաստեղծ, թարգմանիչ

Կառլոս Սայադյան

Գեղանկարիչ

Գագիկ Շահինյան

Գեղանկարիչ

Գայանե Խաչատրյան

Գեղանկարչուհի

Զավեն Պետրոսյան

Բանաստեղծ, գեղանկարիչ

Արամ Աբրահամյան

Հաղորդավար, լրագրող

Դավիթ Մինասյան

Քանդակագործ, բեմանկարիչ

Նեմրա

Ռոք խումբ

 

 

 

 

ՀՄԱՅԱԿ ՍԻՐԱՍ

Արձակագիր, թարգմանիչ

15 փետրվար, 1902 - 14 օգոստոս, 1983

Հմայակ Ոսկանյան

Ծնվել է Արևմտյան Հայաստանի Ալաշկերտի գավառի Կարաքիլիսե գյուղաքաղաքում։ Գրական անուն է ընտրել Հ.Սենկեվիչի «Յո երթաս» վեպի հերոս Սիրասի անունը։ Սովորել է տեղի ութամյա դպրոցում։ Առաջին աշխարհամարտի ժամանակ ընտանիքով գաղթել և բնակություն է հաստատել Թիֆլիսում։ Եղել է գրաշար։ 1921թ. տեղափոխվել է Երևան։ 1922-25թթ սովորել է Երևանի պետական համալսարանի պատմագրական ֆակուլտետում։ 1925-29թթ որպես քարտուղար աշխատել է Ախտայի (այժմ` Հրազդան), Եղեգնաձորի և Արտաշատի շրջանային կուսակցական կոմիտեներում։ 1932թ. աշխատել է Մոսկվայի ժուռնալիստիկայի ինստիտուտում։ 1928-33թթ որպես խմբագիր աշխատել է (ընդմիջումներով) Լենինականի (այժմ՝ Գյումրի) «Բանվոր» թերթում։ 1933-34թթ եղել է Երևանում լույս տեսնող «Հարվածային բանվոր» թերթի խմբագիրը, 1934թ-ից` Հայաստանի գրողների միության անդամ, 1934-40թթ և 1954-57թթ` «Սովետական գրականություն» ամսագրի խմբագիրը, 1939-41 և 1946-48թթ` Հայաստանի գրողների միության վարչության քարտուղարը։ Մասնակցել է Երկրորդ Համաշխարհային պատերազմին, եղել է ռազմական թղթակից, ԽՍՀՄ պաշտպանության նախարարության գլխավոր քաղաքական վարչությունում հայկական հրատարակչությունների խնբագիր, թարգմանիչ։ Նրա առաջին պատմվածքը տպագրվել է 1922թ., Երևանի «Մուրճ» ամսագրում։ Ռուսերեն լույս է տեսել նրա «Անահիտ» (1949թ.), «Արարատ» (1956թ.), «Երգը» (1952թ.), «Նախօրյակին» (1965թ.), «Անանուն աղջիկ» (1968թ.), «Հայրենի աշխարհ» (1979թ.), քրդերեն` «Մամեն ու Աշեն» (1935թ.), «Լաթիֆե» (1936թ.) գրքերը։ 1974թ. դարձել է Ֆինլանդիայի «Կալեվալա» ընկերության պատվավոր անդամ: Պարգևատրվել է Հոկտեմբերյան հեղափոխության, Աշխատանքային կարմիր դրոշի երկու, Կարմիր աստղի և «Պատվո նշան» շքանշաններով։ 1968թ. արժանացել է Հայաստանի մշակույթի վաստակավոր գործչի կոչման: Մահացել է Երևանում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար