Տիգրան Քելեկյան

Դիվանագետ, հավաքորդ

Գասպար Իփեկյան

Թատերական գործիչ

Սիրան Ալավերդյան

Դերասանուհի

Լեմվել Մարության

Թարգմանիչ, լրագրող

Հրաչյա Քոչար

Արձակագիր

Սուսաննա Մկրտչյան

Գեղանկարչուհի

Շավարշ Վարդանյան

Կինոօպերատոր, կինոռեժիսոր

Կարեն Քոչարյան

Հաղորդավար, ռեժիսոր

Արմեն Բադալյան

Օպերային երգիչ

Արևիկ Գևորգյան

Դերասանուհի, հաղորդավար

 

 

 

 

ԽՈՐԵՆ ՍԱՐԳՍՅԱՆ

Գրականագետ

2 դեկտեմբեր, 1891 - 4 ապրիլ, 1970

Ծնվել է Շուշիում: Սկզբնական կրթությունն ստացել է Բաքվում: 1917թ. ավարտել է Պետրոգրադի համալսարանի պատմաբանասիրական ֆակուլտետը: 1921թ. տեղափոխվել է Երևան և աշխատանքի անցել Հայաստանի գիտական ինստիտուտում` որպես գիտաշխատող: 1922-24թթ եղել է Երևանի պետական կենտրոնական թանգարանի արխիվային բաժնի վարիչը: Այնուհետև ռուսերեն է դասավանդել Երևանի հայկական ռազմական դպրոցում և մանկավարժական տեխնիկումում: 1930-36թթ դասավանդել է Երևանի պետական համալսարանում, միաժամանակ պետական թանգարանում աշխատել է որպես գրական կապերի բաժնի վարիչ: Հետագայում աշխատել է որպես գրական թանգարանի տնօրեն, Արմֆանի գրականության և լեզվի ինստիտուտի գիտաշխատող, գիտական քարտուղար, ապա նույն ինստիտուտի տնօրեն: 1943-47թթ եղել է ՀՀ ԳԱ Մ.Աբեղյանի անվան գրականության ինստիտուտի տնօրենը, 1947-ից` նույն ինստիտուտի հայ հին գրականության բաժնի վարիչը: 1964թ., առանց դիսերտացիայի պաշտպանության, նրան շնորհվել է բանասիրական գիտությունների դոկտորի գիտական աստիճան (1967թ-ից` պրոֆեսոր): Հրատարակվել են նրա «Վահան Տերյան» (1926թ.), «Լևոն Շանթ» (1930թ.), «Հայրենական պատերազմը և գրականությունը» (1946թ.), «Մանուկ Աբեղյանը և հայ հին գրականությունը» (1946թ.), «Նալբանդյանի գրական ստեղծագործությունը» (1960թ.), «Ստեփան Զորյան» (1960թ.), «Սայաթ-Նովա» (1963թ.), «Տասնամյակների միջով» (1966թ.) գրքերը: Ռուսերեն լույս են տեսել նրա «Նալբանդյանը և լեզվի հարցերը» (1956թ.), «Գրականության և կյանքի արահետներով» (1974թ.) գրքերը: 1934թ-ից եղել է Հայաստանի գրողների միության անդամ: 1961թ. արժանացել է Հայաստանի գիտության վաստակավոր գործչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար