Արա Վրույր

Դերասան, լուսանկարիչ

Հատիկ Ազիզյան

Պատմաբան, լրագրող

Էվերտ Պայազատ

Կինոգետ, կինոսցենարիստ

Դանիել Երաժիշտ

Ջութակահար, դիրիժոր, երաժշտագետ

Թովմաս Պողոսյան

Երգիչ, բանահավաք

Նաիրա Շահիրյան

Դերասանուհի, հաղորդավար

Արա Նախշքարյան

Գրող, լրագրող, գեղանկարիչ

Մանու Իրիցյան

Հաղորդավար, լրագրող

Նաիրա Կոլոզյան

Դերասանուհի

 

 

 

 

ՄԻՔԱՅԵԼ ԹԱՎՐԻԶՅԱՆ

Դիրիժոր

14 մայիս, 1907 - 17 հոկտեմբեր, 1957

Ծնվել է Բաքվում: 1923-26թթ սովորել է տեղի կոնսերվատորիայում: 1932թ. ավարտել է Լենինգրադի կոնսերվատորիայի ալտի, իսկ 1934թ.` դիրիժորական բաժինները: 1935թ-ից եղել է Երևանի Ա.Սպենդիարյանի անվան օպերայի և բալետի թատրոնի դիրիժոր, 1938թ-ից` գլխավոր դիրիժորը, իսկ 1946թ-ից` գեղարվեստական ղեկավարը: Ղեկավարել է Մ.Գլինկայի «Իվան Սուսանին», Ն.Ռիմսկի-Կորսակովի «Թագավորի հարսնացուն», Պ.Չայկովսկու «Պիկովայա դամա», «Իոլանտա», Ջ.Վերդիի «Տրավիատա», «Ռիգոլետտո», «Աիդա», «Օթելլո», Մեյերբերի «Հուգենոտներ» և այլ օպերաներ, իրականացրել Ա.Տիգրանյանի «Անուշ», «Դավիթ Բեկ», Տ.Չուխաճյանի «Արշակ Երկրորդ», Հ.Ստեփանյանի «Լուսաբացին», «Հերոսուհի», Ա.Այվազյանի «Թափառնիկոս», Ա.Բաբաևի «Արծվաբերդ» օպերաների առաջին բեմադրությունները: 1948թ. հանդես է եկել Մոսկվայի Մեծ թատրոնում (Ջ.Վերդիի «Ռիգոլետտո», Պ.Չայկովսկու «Իոլանտա»): Դիրիժորի կատարմանը բնորոշ է եղել ռոմանտիկական ոգեշնչվածությունը, մեղեդիական ճկունության և ռիթմի սուր զգացողությունը, անընդմեջ հուզական լարվածությունն ու արտահայտչականության կոնկրետությունը: Հանդես է եկել նաև որպես սիմֆոնիկ դիրիժոր: Նրա ղեկավարությամբ հնչել են Ա.Խաչատրյանի Երկրորդ սիմֆոնիան, Դ.Շոստակովիչի Յոթերորդ սիմֆոնիան (Երևանի միացյալ սիմֆոնիկ նվագախումբ) և այլն: «Արշակ Երկրորդ» և «Հերոսուհի» օպերաների բեմադրությունների համար արժանացել է ԽՍՀՄ Պետական մրցանակների (1946թ., 1951թ.): 1954-58թթ եղել է ԽՍՀՄ, իսկ 1947-55թթ` Հայաստանի Գերագույն խորհրդի պատգամավոր: Պարգևատրվել է «Պատվո նշան» և այլ պետական շքանշաններով: 1939թ. արժանացել է Հայաստանի արվեստի վաստակավոր գործչի, 1956թ.՝ ԽՍՀՄ ժողովրդական արտիստի կոչման: Մահացել է Երևանում: Միքայել Թավրիզյանի անունով է կոչվել երաժշտական դպրոց Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար