ՌՈՒԶԱՆՆԱ ՈՍԿԱՆՅԱՆ

Բանաստեղծ

Ծնվել է 1989թ. մայիսի 24-ին, Երևանում: Ավարտել է Երևանի Լ.Շանթի անվան թիվ 4 միջնակարգ դպրոցը, ապա՝ Երևանի պետական համալսարանի հայ բանասիրական ֆակուլտետը: Սովորել է նաև մագիստրատուրայում և ասպիրանտուրայում: Հաճախել է ՀԳՄ «Ցոլքեր» երիտասարդական գրական-լրատվական կենտրոն: Տպագրվել է «Գրական թերթ», «Գրեթերթ», «Ցոլքեր», «Նարցիս», «Միհր», «Եղիցի լույս» և այլ պարբերականներում, «Բառ և հույս», «Արմատ և լույս», «Խոսք և խոստում», «Արդի հայ երիտասարդ բանաստեղծներ», «18-33. արդի հայ պոեզիա» և այլ անթոլոգիաներում: 2007թ. լույս է տեսել նրա բանաստեղծությունների առաջին ժողովածուն` «Թափանցիկ անձրևներ» խորագրով: Արժանացել է Սոնա Վանի հայտարարած «Փոքրիկ Իշխան» ամենամյա մրցանակաբաշխության խրախուսական և առաջին կարգի մրցանակներին, 2008թ.՝ ՀՀ նախագահի գրականության բնագավառում երիտասարդական մրցանակին: 2009թ-ից Հայաստանի գրողների միության անդամ է: 2013թ. հրատարակել է բանաստեղծությունների երկրորդ ժողովածուն՝ «Հետո և ավելի հետո» խորագրով:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար