Սուքիաս Պարզյան

Բանասեր, եկեղեցական գործիչ

Աշ-Մաթ

Դերասան, բեմադրիչ

Տիգրան Դավթյան

Քանդակագործ

Արշա Օվանեսովա

Կինոռեժիսոր

Վազգեն Տալյան

Բանաստեղծ, թարգմանիչ

Ամալյա Արազյան

Դերասանուհի

Նինել Դալլաքյան

Դերասանուհի

Գագիկ Ղազարյան

Քանդակագործ

Էլլա Տարունց

Երգչուհի

Վաչե Երիցյան

Դերասան

 

 

 

 

ՌԱՖԱՅԵԼ ՆԱՀԱՊԵՏՅԱՆ

Արձակագիր

8 հունիս, 1946 - 19 հուլիս, 2010

Ծնվել է Երևանում: 1965թ. ավարտել է Երևանի էլեկտրամեխանիկական տեխնիկումը, ապա աշխատել է որպես ավագ լաբորանտ էլեկտրամեխանիկայի համամիութենական գիտահետազոտական ինստիտուտի հայկական մասնաճյուղում։ 1971թ. ավարտել է Երևանի պետական համալսարանի բանասիրական ֆակուլտետը։ 1971-73թթ ծառայել է ԽՍՀՄ բանակում որպես սպա։ 1974-83թթ աշխատել է ՀՀ հեռուստատեսային և ռադիոհաղորդումների պետական կոմիտեում, որպես գրական հաղորդումների գլխավոր խմբագրության խմբագիր, ապա` ավագ խմբագիր։ 1985թ-ից եղել է Հայաստանի գրողների միության անդամ: Հայաստանի անկախության հռչակումից հետո զբաղեցրել է ԳԽ լրատվական հարցերի մշտական հանձնաժողովի փորձագետի պաշտոնը։ Հայաստանի գրողների միությունում վարել է «Գրական հինգշաբթի» ամենշաբաթյա միջոցառումը: Տպագրվել է 1970թ-ից։ Առաջին հրապարակումը` «Հայրենիքի ժամանակը», պատրաստել է համակուրսեցի Արա Մնացականյանի հետ և հրատարակել «Գարուն» հանդեսում: Հոդվածը եղել է սփյուռքահայերի` դեպի Խորհրդային Հայաստան ներգաղթի թեմայով: Հեղինակել է պատմվածքներ, ռադիոպիեսներ, վիպակներ, հեռուստատեսային ներկայացումներ։ 1960-ական թվականների վերջերին փոքր խմբակով իրականացրել է ազգայնական բնույթի գործունեություն, ծավալել ազգայնական քարոզչություն: Խմբակի աշխատանքը կասեցվել է ԽՍՀՄ պետական անվնտանգության մարմինների կողմից, որի պատճառով կարճաժամկետ ազատազրկվել է: Ստեղծագործությունները թարգմանվել են ռուսերեն, ուկրաիներեն, լիտվերեն, լատվիերեն, չեխերեն, ռումիներեն և այլ լեզուներով։ Հեղինակել է նաև «Անջո հեծանիվը», «Անջո ֆուտբոլի գնդակը», «Անջո ոստիկանության սերժանտը» մանկական վիպակները: Գրողի «Մթի մեջ արևի ցոլքերում» վեպը մնացել է անավարտ: Արժանացել է մի շարք մրցանակների։ Հրատարակվել են նրա «Հրաշեկ նժույգներ» (1983թ.), «Հրաձգարանի մեծ մրցանակը» (1989թ.), «Մեղեդի երևակայական ջութակի համար» (1994թ.), «Ագռավի աղջիկը» (2000թ.), «...Եվ ծագեց խավարը» (2003թ.) գրքերը: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար