ՄԻՀՐԱՆ ԵՐԿԱԹ

20 փետրվար, 1921 - 4 օգոստոս, 1986

Ծնվել է Կոստանդնուպոլսում: 1923թ. տեղափոխվել է Եգիպտոս և բնակություն հաստատել Ալեքսանդրիա քաղաքում, որտեղ 1940թ. ավարտել է Ջ.Վերդիի անվան երաժշտական դպրոցի երգեցողության բաժինը: 1941-46թթ մեներգել է Ալեքսանդրիայի «Ալհամբրա» և Կահիրեի Թագավորական օպերային թատրոններում: 1947թ. տեղափոխվել է Հայաստան և ընդունվել Երևանի Ա.Սպենդիարյանի անվան օպերայի և բալետի ազգային ակադեմիական թատրոն` որպես մեներգիչ: Լայնածավալ բարիտոնը, դրամատիկական բազմակողմանի ձիրքը հնարավորություն են ընձեռել երգչին կատարելու տարբեր բնույթի դերեր: Երգել է հետևյալ օպերաներում` Տ.Չուխաճյանի «Արշակ Երկրորդ» (Արշակ Երկրորդ, 1947թ.), Ա.Սպենդիարյանի «Ալմաստ» (Թաթուլ, 1948թ.), Ջ.Վերդիի «Ռիգոլետտո» (Ռիգոլետտո, 1950թ., Մոսկվայի Մեծ թատրոնում՝ 1961թ., 1962թ., 1963թ.), «Տրավիատա» (Ժերմոն), «Դիմակահանդես» (Ռենատո), «Տրուբադուր» (Կոմս դը Լունա), Ռիմսկի-Կորսակովի «Թագավորի հարսնացուն» (Գրյազնոյ, 1966թ.), Գ.Հախինյանի «Մարդը լեգենդից» (Կամո, 1970թ.), Ա.Տիգրանյանի «Անուշ» (Մոսի), Ա.Բաբաևի «Արծվաբերդ» (Ռուբեն), Ռուբենշտեյնի «Դևը» (Դև), Լ.Դելբիի «Լակմե» (Ֆրեդերիկ), Ժ.Բիզեի «Կարմեն» (Էսկամիլիո), Պ.Չայկովսկու «Եվգենի Օնեգին» (Օնեգին) և այլն: Պարգևատրվել է Աշխատանքային կարմիր դրոշի շքանշանով: 1961թ. արժանացել է Հայաստանի, 1977թ.` ԽՍՀՄ ժողովրդական արտիստի կոչման: Մահացել է Երևանում:
 

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ