Նիկոլ Աղբալյան
Գրականագետ, պետական գործիչ
Հարություն Զաքիև
Ճարտարագետ, ճարտարապետ
Լևոն Կարախան
Քամանչահար
Հրայր Մուրադյան
Գրականագետ, դրամատուրգ
Վանո Մուրադելի
Կոմպոզիտոր
Ամալյա Մխիթարյան
Դերասանուհի, տիկնիկավար
Սիմոն Սիմոնյան
Արձակագիր, հրապարակախոս, բանասեր
Վազգեն Ամիրբեկյան
Արձակագիր, լրագրող
Արտաշես Բաղդասարյան
Գեղանկարիչ
Լուիզա Պոզապալյան
Օպերային երգչուհի
Ժաննա Բլբուլյան
Դերասանուհի, երգահան
Մարտին Ահարոնյան
Կիթառահար, երգահան, գեղանկարիչ
ՌՈՒԲԵՆ ԱՂԱՄԻՐԶՅԱՆ
Բեմադրիչ, դերասան
20 դեկտեմբեր, 1922 - 26 հոկտեմբեր, 1991
Ծնվել է Թիֆլիսում: 1940թ. սովորել է տեղի Ա.Գրիբոյեդովի անվան ռուսական դրամատիկական թատրոնի ստուդիայում, 1941թ.` Թիֆլիսի կինոստուդիայի դպրոց-ստուդիայում: Մասնակցել է Երկրորդ համաշխարհային պատերազմին (1941-45թթ): 1946-48թթ եղել է Մոլդովայի ռուսական դրամատիկական թատրոնի դերասան և բեմադրիչ: 1952թ. ավարտել է Լենինգրադի թատերարվեստի ինստիտուտի ռեժիսորական ֆակուլտետը: 1953-61թթ եղել է Լենինգրադի Ա.Պուշկինի անվան դրամայի թատրոնի, 1961-66թթ` Լենինգրադի դրամատիկական մեծ թատրոնի ռեժիսոր, 1966թ-ից` Կոմիսարժևսկայայի անվան թատրոնի գլխավոր ռեժիսորը, որտեղ 25 տարիների ընթացքում բեմադրել է 51 ներկայացում: 1953թ-ից դասավանդել է Լենինգրադի թատերարվեստի ինստիտուտում, որտեղ 1975-85թթ եղել է ամբիոնի վարիչը (1975թ-ից` պրոֆեսոր): Պիեսներ է բեմադրել նաև Ֆինլանդիայի, Չեխոսլովակիայի, Հունգարիայի թատրոններում: Լավագույն բեմադրություններից են` Դրուցեի «Սրբություն սրբոց», Բուլգակովի «Տուրբինների օրերը», «Բորիս թագավորը», Ալյոշինի «Դիվանագետը» և այլն: 1987թ. հեղինակել է «Ժամանակ: Թատրոն: Ռեժիսոր» գիրքը: 1969թ. արժանացել է Ռուսաստանի, 1972թ.` Վրաստանի արվեստի վաստակավոր գործչի, 1974թ.` Ռուսաստանի, 1983թ.` ԽՍՀՄ ժողովրդական արտիստի կոչման, 1984թ.` ԽՍՀՄ Պետական մրցանակի: Արժանացել է նաև Լենինի, Պատվո, Հայրենական պատերազմի շքանշանների: Մահացել է Սանկտ Պետերբուրգում:
