Դանիել Վարուժան

Բանաստեղծ

Պողոս Մակինցյան

Գրականագետ, թարգմանիչ, պետական գործիչ

Կարո Ղաֆադարյան

Հնագետ, պատմաբան, բանասեր

Հրաչյա Ռուխկյան

Գեղանկարիչ

Արմեն Վարդանյան

Գեղանկարիչ

Գրիգոր Հախինյան

Կոմպոզիտոր

Պերճ Ժամկոչյան

Երգեհոնահար

Սերգեյ Կարապետյան

Դուդուկահար

Սեյրան Խաթլամաջյան

Գեղանկարիչ, գրաֆիկ

Հրանտ Թադևոսյան

Գեղանկարիչ

Դոնարա Մկրտչյան

Դերասանուհի

Գագիկ Մանուկյան

Գեղանկարիչ

Վահագն Թևանյան

Բեմանկարիչ

Արմեն Գևորգյան

Բալետի արտիստ

Վահագն Զաքարյան

Հաղորդավար, լրագրող

Գուրգեն Ջանիբեկյան

Կինոռեժիսոր, կինոօպերատոր

 

 

 

 

ՀՐԱՉՅԱ ՄԱԹԵՎՈՍՅԱՆ

Արձակագիր

12 մայիս, 1937 - 29 հունիս, 2016

Ծնվել է ՀՀ Ալավերդի-Թումանյանի շրջանի Ահնիձոր գյուղում (այժմ՝ ՀՀ Լոռու մարզում): Եղել է արձակագիր Հրանտ Մաթևոսյանի եղբայրը։ 1955թ. ավարտել է Երևանի արհեստագործական 3-րդ ուսումնարանը և Երևանի տպարաններում աշխատել որպես լինոտիպիստ։ 1962-66թթ սովորել է Երևանի պետական համալսարանի բանասիրական ֆակուլտետի ժուռնալիստիկայի բաժնում։ Ուսումնառության տարիներին աշխատել է Հայաստանի կույրերի միավորման հրատարակչությունում` որպես գրական աշխատող, ապա «Ոզնի» երգիծական հանդեսի խմբագրությունում` որպես բաժնի վարիչ։ 1966-74թթ որպես բաժնի վարիչ աշխատել է «Ավանգարդ» թերթի խմբագրությունում։ 1974թ-ից եղել է «Հայրենիքի ձայն» շաբաթաթերթի պատասխանատու քարտուղարը, 1985թ-ից՝ Հայաստանի գրողների միության անդամ։ Նրա բազմաթիվ ակնարկներ, պատմվածքներ, հոդվածներ, հարցազրույցներ տպագրվել են հանրապետական մամուլում, գրական հանդեսներում։ Եղել է Ռազմածովագիրների միջազգային ընկերակցության և ՀՀ ժուռնալիստների միության անդամ։ Հեղինակել է նաև մանկական գրքեր: Հրատարակվել են նրա «Մաճկալներ» (պատմվածքներ, 1978թ.), «Բարի մարդկանց հովիտը» (վիպակներ և պատմվածքներ, 1982թ.), «Աստղերի հետ թռչում էր իմ ձին» (պատմվածքներ, 1983թ.), «Ալևորներ» (վիպակ և պատմվածքներ, 1984թ.), «Գունավոր փոքրիկ Ջեկսին» (մանկական պատմվածքներ, 1986թ.), «Մոլորյալ ժամ» (1999թ.), «Խաչքար Հայաստան» (2002թ.), «Սիրով։ Էջեր» («Սիրո մատյան» գրքից, 2003թ.), «Տուն մոր համար» (վիպակ, 2003թ.), «Սարերիդ նման դու հպարտ ապրիր» (2004թ.), «Կայծահեղ Հրանտ» (2005թ.), «Սարաշեղջ Արագած» (2006թ.) գրքերը: Հայ-վրացական ժողովուրդների բարեկամության ամրապնդման գործում ունեցած վաստակի համար 1993թ. արժանացել է «Հայոս-Քարթլոս» արծաթե մեդալի, 2003թ.՝ Արցախի Եղիշեի անվան մրցանակի: Մահացել է Երևանում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար