ՆԱԻՐԱ ՀԱՄԲԱՐՁՈՒՄՅԱՆ

Բանաստեղծ, գրականագետ

Ծնվել է 1974թ. օգոստոսի 5-ին, Երևանում: 1991թ. ավարտել է Երևանի թիվ 174 միջնակարգ դպրոցը, 1996թ.` Երևանի Խ.Աբովյանի անվան պետական մանկավարժական համալսարանի հայոց լեզվի և գրականության ֆակուլտետը։ 2003թ. պաշտպանել է ատենախոսական թեզ և ստացել բանասիրական գիտությունների թեկնածուի գիտական աստիճան։ 2003-10թթ դասախոսել է «Հրաչյա Աճառյան» համալսարանում։ 2008թ. ստացել է դոցենտի պաշտոն։ 2009թ-ից Հայաստանի գրողների միության անդամ է։ 2009-10թթ եղել է ՀՀ սփյուռքի նախարարության «Հայերն այսօր» էլեկտրոնային թերթի գրական և մանկական էջերի պատասխանատուն։ 2010թ-ից ՀՀ ԳԱԱ Մ.Աբեղյանի անվան գրականության ինստիտուտի սփյուռքահայ գրականության բաժնի ավագ գիտաշխատող է, 2011թ-ից «Գարուն» գրական-գեղարվեստական, մշակութային ամսագրի գրականության բաժնի պատասխանատուն։ Բանաստեղծություններն առաջին անգամ տպագրել է «Գարուն» ամսագրում (1999թ.)։ Հեղինակել է շուրջ 40 գիտական հոդվածներ։ Տպագրվել է նաև «Գրական թերթ», «Նորք», «Նոյան տապան», «Նարցիս», «Առաքյալ», «Բագին», «Գեղարմ», «Աղբյուր», «Կանչ», «Բում-բումիկ», «Հանդես հայագիտության», «Հայաստանի Հանրապետություն», «Հույս», «Հայաստանի զրուցակից», «Ազգ», «Արտասահմանյան գրականություն» պարբերականներում։ Հրատարակվել են նրա «Մարո Մարգարյանի քնարերգությունը» (մենագրություն, 2003թ.), «Ես բառ եմ դարձել» (բանաստեղծություններ, 2008թ.), «Մետեմպսիխոզ» (չափածո վիպակ, 2012թ.), «Տեքստ և մեկնություն» (հոդվածներ, ուսումնասիրություններ, 2013թ.) գրքերը: Անգլերենից հայերեն է թարգմանել Խուլիո Կորտասարի «Խոսե՛ք, դուք ունեք երեք րոպե» (2009թ.), Ալֆոնսինա Սթորնիի «Թռիչք մեռած հողում (2010թ.), Խորխե Կարերա Անդրադեի «Լուրեր ծովից ու ցամաքից» (2011թ.) գրքերը:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար