Սամվել Գանթարյան

Բառարանագիր, թարգմանիչ

Սեդրակ Մանդինյան

Դերասան, գրող

Ստեփան Լիսիցյան

Ազգագրագետ, պատմաբան, թարգմանիչ

Դավիթ Չիսլյան

Ճարտարապետ

Էլիզա Գյուլեսերյան

Դերասանուհի, մանկավարժ

Գրիգոր Ազիզյան

Գեղանկարիչ

Սարգիս Հարությունյան

Բանասեր, ազգագրագետ

Ֆելիքս Բախչինյան

Գրականագետ, թարգմանիչ

Վազգեն Ասատրյան

Բաս-կիթառահար

Վահրամ Սահակյան

Դրամատուրգ, կինոռեժիսոր

Մարինա Սուլթանյան

Հաղորդավար, պրոդյուսեր

Միհրան Ծառուկյան

Երգիչ, դերասան

Արտակ Վարդանյան

Հաղորդավար, լրագրող

Նարե Գևորգյան

Երգչուհի

 

 

 

 

ՅԱԿՈՎ ԽԱՉԻԿՅԱՆ

Գրականագետ, փիլիսոփա

17 հուլիս, 1921 - 20 մարտ, 2015

Ծնվել է ՀՀ Ջալալօղլի (այժմ` Ստեփանավան) քաղաքում: 1949թ. ավարտել է Երևանի պետական համալսարանի բանասիրական ֆակուլտետի ռուսաց լեզվի և գրականության բաժինը, սովորել է նաև ասպիրանտուրայում։ 1942-45թթ մասնակցել է Երկրորդ համաշխարհային պատերազմին։ 1953թ-ից աշխատել է ՀՀ ԳԱ փիլիսոփայության և իրավունքի սեկտորում, 1962-69թթ ղեկավարել է սեկտորի գեղագիտության խումբը։ 1969-73թթ եղել է ՀՀ ԳԱ փիլիսոփայության և իրավունքի ինստիտուտի տնօրենի տեղակալը, 1973-76թթ` տնօրենը, 1976թ-ից` ՀԿԿ Կենտկոմի գիտության և ուսումնական հաստատությունների բաժնի վարիչը։ Եղել է նաև Երևանի Վ.Բրյուսովի անվան ռուսաց և օտար լեզուների ինստիտուտի ռեկտորը, փիլիսոփայություն է դասավանդել երևանյան մի շարք բուհերում: Գիտական աշխատությունները նվիրված են գեղագիտության տեսության և պատմության, արվեստի իմացաբանական հարցերին, բուրժուական արվեստի քննադատությանը, գեղագիտական դաստիարակությանը։ Նրա նախաձեռնությամբ և մասնակցությամբ կազմվել են «Էսթետիկայի հարցեր» (հ.1-2, 1967-72թթ), «Հայ էսթետիկական մտքի պատմությունից» (հ.1-2, 1974-76թթ)։ Հեղինակել է նաև «Հայ գեղագիտական մտքի պատմության մեթոդաբանական հարցեր» (ռուսերեն, 2001թ.) գիրքը, եռահատոր հուշագրություն (2002-05թթ) և եղել է համահեղինակ «Հայ կերպարվեստագետներն արվեստի մասին» (ռուսերեն, 2004թ.) ժողովածուի: 1969թ. ստացել է փիլիսոփայական գիտությունների դոկտորի գիտական աստիճան (1970թ-ից` պրոֆեսոր): Մասնակցել է մի շարք միջազգային կոնգրեսների, հեղինակել է ավելի քան 30 գիրք և թեմատիկ ժողովածուներ: 1971թ-ից եղել է Հայաստանի գրողների միության անդամ: Անդամակցել է նաև Հումանիզմի հիմնախնդիրների (1989թ.), Հայոց փիլիսոփաների (2000թ.), Բնության և հասարակության մասին գիտությունների միջազգային (2000թ.), ՌԴ մանկավարժական և սոցիալական գիտությունների (2004թ.) ակադեմիաներին: 1985թ. արժանացել է Հայաստանի գիտության վաստակավոր գործչի կոչման, 2000թ.` ԵՊՀ ոսկե, 2003թ.` Վ.Վեռնանդսկու, 2004թ.` «Ֆրիտյոֆ Նանսեն» միջազգային հիմնադրամի ոսկե մեդալների, 2005թ.` Ստեփանավանի պատվավոր քաղաքացու կոչման, 2012թ.` ՀՀ «Մովսես Խորենացի» մեդալի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար