Սուքիաս Սոմալյան

Բանասեր, բառարանագիր, թարգմանիչ

Արշակ Մադոյան

Գրող, պատմաբան

Արբակ Մխիթարյան

Պատմաբան, արվեստաբան, հնագետ

Գևորգ Վիրապյան

Թարգմանիչ

Պարույր Սևակ

Բանաստեղծ, գրականագետ, թարգմանիչ

Դորա Սաքայան

Հայագետ, թարգմանիչ

Սվետլանա Կոլոսարյան

Օպերային երգչուհի

Ռոմիկ Սարդարյան

Բանաստեղծ

Սամվել Կոսյան

Բանաստեղծ, դրամատուրգ

Գայանե Մկրտչյան

Դերասանուհի

Արամո

Դերասան, երգիչ

Հրաչյա Սարիբեկյան

Արձակագիր, գրականագետ

Դիանա Ավետիսյան

Հաղորդավար

Քաջիկ Գրիգորյան

Կոմպոզիտոր, կլառնետահար

 

 

 

 

ՄԿՐՏԻՉ ՄԿՐՅԱՆ

Գրականագետ

9 նոյեմբեր, 1907 - 26 հոկտեմբեր, 1983

Ծնվել է Արևմտյան Հայաստանի Վան քաղաքում։ 1915թ. Հայոց ցեղասպանությունից տեղափոխվել է Արևելյան Հայաստան։ 1919թ. հաստատվել է Երևանում: 1925թ. ավարտել է Երևանի Խ.Աբովյանի անվան միջնակարգ դպրոցը և մեկ տարի ուսուցչություն արել Նոր Բայազետում (այժմ՝ Գավառ)։ 1930թ. ավարտել է Երևանի պետական համալսարանի պատմագրական ֆակուլտետը։ Նույն թվականին ընդունվել է համալսարանի ասպիրանտուրա։ 1933թ-ից հայ գրականություն է դասախոսել Երևանի համալսարանում (1946թ-ից` պրոֆեսոր)։ 1954-80թթ եղել է համալսարանի հայ գրականության ամբիոնի վարիչը, 1941-47թթ և 1957-76թթ` համալսարանի բանասիրական ֆակուլտետի դեկանը, 1947-53թթ` ՀՀ ԳԱ Մ.Աբեղյանի անվան գրականության ինստիտուտի տնօրենը։ 1939թ. «Ֆրիկի ստեղծագործությունը» թեմայով դիսերտացիա է պաշտպանել և ստացել բանասիրական գիտությունների թեկնածուի գիտական աստիճան։ 1945թ. «Գրիգոր Նարեկացի» թեմայով դիսերտացիա է պաշտպանել և ստացել բանասիարական գիտությունների դոկտորի գիտական աստիճան։ 1933թ-ից դպրոցական ծրագրերին համապատասխան գրել է հայկական միջնակարգ դպրոցի 7-րդ, 8-րդ, 9-րդ և 10-րդ դասարանի հայ գրականության դասագրքերը։ Միաժամանակ «Հայ գրականության» դասագիրք է կազմել սփյուռքահայ դպրոցների համար։ 1938թ. Երևանում տպագրվել է նրա կազմած «13-18-րդ դդ հայ աշխարհիկ գրականությունը» ժողովածուն, որի ընդարձակ առաջաբանում նա նոր մոտեցումով է արժևորել Ֆրիկի, Կոստանդին Երզնկացու, Նահապետ Քուչակի, Սայաթ-Նովայի և այլոց ստեղծագործությունները: «Գրիգոր Նարեկացի» մենագրության մեջ (1955թ.) նորովի է բացահատել հանճարեղ մտածողի ստեղծագործության ազգային ու համամարդկային արժեքը: Հեղինակել է նաև «Էջեր հայ վիպասանության պատմությունից» (1957թ.), «Մովսես Խորենացի. կյանքն ու ստեղծագործությունը» (1970թ.), «Իսահակյանի հումանիզմը» (1975թ.), «Հովհաննես Թումանյանի ստեղծագործությունը» (1981թ.) մենագրությունները: Զեկուցումներով հանդես է եկել հանրապետական և համամիութենական գիտաժողովներում: Նրա աշխատությունները թարգմանվել են ռուսերեն, վրացերեն և այլ լեզուներով: Ռուսերեն լույս է տեսել նրա «Մովսես Խորենացի» (1969թ.) գիրքը։ 1936թ-ից եղել է Հայաստանի գրողների միության անդամ, 1956թ-ից` ՀՀ ԳԱ թղթակից անդամ: Պարգևատրվել է «Պատվո նշան» շքանշանով: 1961թ. արժանացել է Հայաստանի գիտության վաստակավոր գործչի կոչման: Մահացել է Երևանում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար