ՀՐԱՆՏ ԳՅՈՒԼԱՍԱՐՅԱՆ

1 օգոստոս, 1937 - 26 օգոստոս, 2022

Ծնվել է Հայաստանի Կուրիս գյուղում (այժմ՝ ՀՀ Սյունիքի մարզում): Աշխատել է «Սովետական գրող» հրատարակչությունում, հեռուստառադիոպետկոմում: Նրա արձակ և չափածո ստեղծագործությունները պարբերաբար տպագրվել են հանրապետական գրական մամուլում, թարգմանվել են ռուսերեն: 1982թ-ից եղել է Հայաստանի գրողների միության անդամ: Լույս են տեսել նրա «Լեռների երգը» (1969թ.), «Քեզ համար, սիրելիս» (1973թ.), «Երազների պարս» (1975թ.), «Ապրող ղողանջներ» (1977թ.), «Կապույտ, կապույտ առավոտ» (1978թ.), «Ակնթարթ» (1979թ.), «Կանչ» (1982թ.), «Կրկին դեպի կյանք» (1985թ.), «Ձայն խորին» (1987թ.), «Սիրո պսակ» (1989թ.), «Երեք արծիվ» (1992թ.), «Ճանապարհ կրակի միջով» (1995թ.), «Վերապրումներ» (2004թ.), «Նորից ձեզ հետ» (2012թ.), «Ողջույն, մնաս բարով» (2012թ.) գրքերը: Եղել է ՀԳՄ «Նոր-Դար» ընկերության հրատարակչության տնօրենը: 2012թ. «Ողջույն, մնաս բարով» գրքի համար արժանացել է ՀԳՄ «Հրանտ և Մանուշակ Սիմոնյաններ» գրական հիմնադրամի մրցանակին: Մահացել է Գերմանիայի Օբերհաուզեն քաղաքում: