Արմեն Տիգրանյան

Կոմպոզիտոր, դիրիժոր

Արամ Թորոսյան

Ճարտարապետ, գրող

Մկրտիչ Արմեն

Բանաստեղծ, արձակագիր, թարգմանիչ

Փայլակ Մանուկյան

Ճարտարապետ

Արկադի Մաղդասյան

Կրկեսի արտիստ, ակրոբատ

Անահիտ Սեկոյան

Արձակագիր

Հրաչյա Ղափլանյան

Բեմադրիչ, դերասան

Գոհար Գասպարյան

Օպերային երգչուհի

Վարուժան Նալբանդյան

Արձակագիր, դրամատուրգ, թարգմանիչ

Տիգրան Լևոնյան

Օպերային երգիչ, բեմադրիչ

Գեորգի Թովմասյան

Գեղանկարիչ

Անահիտ Արփեն

Արձակագիր

Մարի Սանթրոսյան

Դերասանուհի

Եվա Սուջյան

Երգչուհի, երաժիշտ

Ժորա Սարգսյան

Դաշնակահար

 

 

 

 

ԱՇՈՏ ԳԱԲՐԻԵԼՅԱՆ

Բանաստեղծ

Ծնվել է 1979թ. դեկտեմբերի 13-ին, ՀՀ Արարատի մարզի Սուրենավան գյուղում։ Ավարտել է տեղի միջնակարգ դպրոցը։ 2007թ. ավարտել է Երևանի պետական համալսարանի բանասիրական ֆակուլտետը: Նույն թվականից Հայաստանի գրողների միության անդամ է։ Ուսմանը զուգահեռ 2001-02թթ հայ ժողովրդական բանահյուսություն և արտասահմանյան գրականություն է դասավանդել Վարդենիսի մանկավարժական ինստիտուտում: Բացի բանաստեղծություններից, մամուլում հանդես է եկել հարյուրավոր մշակութային հոդվածներով և ակնարկներով։ Մասնակցել է ՀԳՄ «Գրաթերթ» երիտասարդական ամսաթերթի ստեղծմանը։ 2006-07թթ եղել է «Մեծ ֆուտբոլ» ամսագրի պատասխանատու քարտուղարը, 2007-08թթ` «Պրոֆֆուտբոլ» շաբաթաթերթի հատուկ թղթակիցը։ Միաժամանակ թղթակցել է ավելի քան մեկ տասնյակ պարբերականների։ 2010թ. հայոց լեզու և գրականություն է դասավանդել ՀՀ Արարատի մարզի Նոյակերտ գյուղի միջնակարգ դպրոցում: 2011թ-ից հայոց լեզու է դասավանդում Հայաստանի Մխիթարեան կենտրոնում, ինչպես նաև խմբագրել է «Մարզաշխարհ» շաբաթաթերթը։ Նույն թվականից աշխատում է ՀՀ ԳԱԱ Մ.Աբեղյանի անվան գրականության ինստիտուտի սփյուռքահայ գրականության ուսումնասիրության բաժնում։ 2012-13թթ աշխատել է Հայաստանի հանրագիտարան հրատարակչությունում։ Հանդիսանում է «Գրանիշ» հանդեսի համախմբագիրներից։ Նրա ստեղծագործությունները թարգմանվել են ֆրանսերեն, պարսկերեն, վրացերեն, անգլերեն։ Հրատարակել է «Հրեշտակները ասեղի ծայրին» (2001թ.), «Հավատացեք, քանի որ չեք հավատալու» (2004թ.), «Գրպանի բանաստեղծություններ» (2012թ.) գրքերը: 2000թ. Երևանի քաղաքապետարանի և Ա.Իսահակյանի անվան կենտրոնական գրադարանի կողմից արժանացել է երիտասարդ կատարողների և ստեղծագործողների Ավետիք Իսահակյանի անվան հանրապետական 7-րդ մրցույթի գրական ստեղծագործությունների 2-րդ կարգի դիպլոմի, 2006թ.` Երևանի պետական համալսարանի երիտասարդ ստեղծագործողների մրցույթի և «Ապագան մերն է» խորագրով փառատոնի շրջանակներում անցկացված բանաստեղծությունների մրցույթի առաջին մրցանակներին։ Նույն թվականին ստացել է Համազգային հայ կրթական և մշակութային միության «Հակոբ Կարապենց» կրթաթոշակ։ 2009թ. արժանացել է Պարույր Սևակիանվան և «Գրեթերթ»-ի պոեզիայի մրցանակներին, 2010թ.` «Գրեթերթ»-ի թարգմանության մրցանակին` Ռուբոկո Սյոյի էրոտիկ թանկաների թարգմանության համար, իսկ 2011թ.` Թբիլիսիի Վաժա Փշավելայի անվան երիտասարդ բանաստեղծների համակովկասյան առաջին մրցանակին։ Հեղինակել է «Լիտոպեդիա» բանասիրության հանրագիտարանը: 2013թ. «Գրպանի բանաստեղծություններ» ժողովածուի համար արժանացել է Իրինա Գյուլնազարյանի (ԱՄՆ) անվան բարեգորածական հիմնադրամի երիտասարդ բանաստեղծների երկրորդ կարգի մրցանակի: 2016թ-ից «Գարուն» ամսագրի գլխավոր խմբագիրն է:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար