ԹԱԹՈՒԼ ԲՈԼՈՐՉՅԱՆ

14 ապրիլ, 1931 - 20 փետրվար, 2014

Ծնվել է Վրաստանի Ախալքալակի շրջանի Գումբուրդո գյուղում: 1965թ. ավարտել է Երևանի պետական համալսարանի բանասիրական ֆակուլտետը: 1960-ական թվականներին ճանաչում է ստացել իր բանաստեղծություններով: 1966-74թթ աշխատել է «Հայրենիքի ձայն» շաբաթաթերթում, 1985-2003թթ՝ Երևանի Խաչատուր Աբովյանի տուն-թանգարանում՝ որպես ավագ գիտաշխատող: 2003թ-ից աշխատել է ՀՀ արտակարգ իրավիճակների նախարարությանը կից ինստիտուտում: Հեղինակել է շուրջ 15 բանաստեղծական ժողովածու: 1968թ-ից եղել է Հայաստանի գրողների միության անդամ: Հրատարակվել են նրա «Արևի մտերմությունը» (1965թ.), «Կիսված գիշեր» (1967թ.), «Սաղարթ» (1970թ.), «Կիսված գիշեր» (1971թ.), «Ամռան լուսաբաց» (1973թ.), «Երկնային ծաղիկներ» (1976թ.), «Արմատներ» (1980թ.), «Արմատներ և աստղեր» (1985թ., ռուսերեն), «Երկնային ծաղիկներ» (1987թ.), «Արմատի կանչը» (1997թ.), «Ծարավ ջրեր» (2000թ.) բանաստեղծական ժողովածուները: Գրել է նաև մանուկների համար («Գույների խաղը», 1976թ., «Ստի պոչը», 1995թ., «Ոգու ծաղիկներ», 2003թ.): Մահացել է Երևանում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ