Քեթևան Արամյան

Դերասանուհի

Վաղարշակ Գալփակճյան

Հրապարակախոս, լրագրող

Լևոն Մեսրոպ

Արձակագիր, դրամատուրգ

Միսաք Մեծարենց

Բանաստեղծ

Տիգրան Հախումյան

Գրականագետ, դրամատուրգ, թարգմանիչ, թատերագետ

Նորայր Պողարյան

Ձեռագրագետ, բանասեր, հայագետ

Իսահակ Ալավերդյան

Արձակագիր, դրամատուրգ, թատերագետ

Ռուդոլֆ Ժամհարյան

Կինոօպերատոր

Տիգրան Գամաղելյան

Բանաստեղծ, լրագրող

 

 

 

 

ՍԱՀԱԿ ԲԱԶՅԱՆ

Գրականագետ

13 հունվար, 1914 - 26 հունիս, 1985

Ծնվել է Արևմտյան Հայաստանի Շատախի Ճընուկ գյուղում։ 1921թ. տեղափոխվել է Արևելյան Հայաստան։ Յոթնամյա կրթությունն ստացել է Վերին Արտաշատ գյուղում, ապա ուսումը շարունակել է Երևանի պետական համալսարանի բանասիրական ֆակուլտետում և 1932թ. ավարտել է ինդուստրիալ բաժինը։ 1934թ. ընդունվել է Երևանի պետական համալսարանի պատմալեզվագրական ֆակուլտետի 3-րդ կուրս` հանձնելով նախորդ կուրսերի քննությունները։ 1936թ. ավարտել է համալսարանը, 1939թ.՝ ասպիրանտուրան։ Սկզբում ստորագրել է Սարգսյան (պապի եղբոր անունով), ապա վերընդունել է տոհմական Բազիկյան ազգանունը, որից էլ կազմել է Բազյան ազգանունը։ Աշխատանքային գործունեությունն սկսել է պատանեկան հասակից։ 1930-34թթ եղել է Երևանի կոմերտմիության քաղկոմի բաժնի վարիչը, Հայկինոյում` քաղլուսբաժնի վարիչը և կինոմեթոդիստը, Անդրկովկասի հեռակա ֆինանսական ինստիտուտի Երևանի կոնսուլբյուրոյի վարիչն ու ժամանակավոր տնօրենը։ 1936-39թթ ուսուցչություն է արել Երևանի մանկավարժական տեխնիկումում։ 1937-41թթ հայ գրականություն է դասավանդել Երևանի հեռակա մանկավարժական ինստիտուտում, 1945-48թթ` Երևանի բարձրագույն կուսակցական դպրոցում։ 1947-51թթ եղել է ՀՀ ԳԱ Մ.Աբեղյանի անվան գրականության ինստիտուտի ավագ գիտաշխատող։ 1939-85թթ դասախոսել է Երևանի պետական համալսարանում։ 1941-44թթ գլխավորել է համալսարանի լեկտորիումը և Երևանի լուսքաղկոմի ագիտբրիգադը։ 1945-51թթ եղել է համալսարանի բանասիրական ֆակուլտետի դեկանի տեղակալը, 1951-57թթ` դեկանը, 1950-53թթ` համալսարանի հայ գրականության ամբիոնի վարիչի տեղակալը։ 1942թ. «Ստեփան Ոսկան» թեմայով դիսերտացիա է պաշտպանել և ստացել բանասիրական գիտությունների թեկնածուի գիտական աստիճան։ 1968թ. «Աբովյանի գրական ժառանգությունը» թեմայով դիսերտացիա է պաշտպանել և 1969թ. ստացել բանասիրական գիտությունների դոկտորի գիտական աստիճան (1970թ-ից՝ պրոֆեսոր)։ Ստեղծագործել սկսել է բանաստեղծությամբ: 1931թ. գրել է «Ետ տուր արցունքներս» պոեմը։ Հետո անցել է գրականագիտությանը։ 1939թ-ից եղել է Հայաստանի գրողների միության անդամ: Հրատարակվել են նրա «Երեք ուրվագիծ» (Ն.Զարյան, Հ.Սիրաս, Գ.Սարյան, 1941թ.), «Միքայել Նալբանդյան» (1955թ.), «Աբովյանի գրական ժառանգությունը» (1966թ.), «Աբովյանի բանաստեղծական աշխարհը» (1977թ.) գրքերը: 1970թ. արժանացել է Հայաստանի գիտության վաստակավոր գործչի կոչման: Մահացել է Երևանում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար