Գալուստ Խանենց
Բանաստեղծ
Արա Բաղդասարյան
Նկարիչ-գարֆիկ
Ռուզան Ալավերդյան
Ճարտարապետ
Վահան Քոչար
Լուսանկարիչ
Գուրգեն Խանջյան
Արձակագիր, դրամատուրգ
Ավետիք Ավետիսյան
Գեղանկարիչ
Գրիգոր Գյարդուշյան
Կինոռեժիսոր
Սամվել Երվինյան
Ջութակահար
Վիգեն Ավետիս
Քանդակագործ
Արտակ Ալեքսանյան
Հաղորդավար, լրագրող
Ռոման Բաբայան
Դերասան
Հայաստանի պետական երիտասարդական նվագախումբ
Նվագախումբ
ՎԱՐՈՒԺԱՆ ԱՅՎԱԶՅԱՆ
Արձակագիր
29 մայիս, 1958 - 10 փետրվար, 2016
Ծնվել է Վրաստանի Ծալկայի շրջանի Այազմա գյուղում: 1985թ. ավարտել է Երևանի պետական համալսարանի բանասիրական ֆակուլտետը: 1985-87թթ աշխատել է «Պիոներ» ամսագրի խմբագրությունում, 1987թ-ից` «Գարուն» ամսագրի խմբագրությունում, սկզբում` գրական աշխատող, 1991թ-ից` պատասխանատու քարտուղար, 1993թ-ից` գլխավոր խմբագրի տեղակալ: Միաժամանակ, 1993թ-ից «Գարուն» ամսագրին կից «Ապոլոն» հրատարակչության գլխավոր խմբագիրն է եղել: Առաջին ժողովածուն` «Հին ահ»-ը, լույս է տեսել 1991թ., երկրորդը` «Ճանճի ամիսը» (1998թ.) ժողովածուն է: «Համեմատական կենսագրությունները» (2004թ.) երկրորդ վեպն է: Գրողի «Պատմություն Մեծն Կովկասի» (2013թ.) վեպը արժանացել է Համաշխարհային հայկական կոնգրեսի, Ռուսաստանի հայերի միության և Հայաստանի գրողների միության կողմից 2008թ. հայտարարված «Հայը 21-րդ դարասկզբին» գրական մրցանակաբաշխության հատուկ մրցանակին, որտեղ ներկայացվում են անտիպ վեպեր: 2003թ. տպագրվել է նրա «Առավոտ պայծառ, զվարթ ծիրանի» մանկապատանեկան պատմվածքների ժողովածուն, 2009թ.` «Պատմություն ճնճղկանն, որ ավելի քան երեք անգամ կանգնեց Տիրոջ աջ ձեռքին» ժողովածուն ԱՄՆ-ում և Երևանում: Հարցազրույցներ և էսսեներ է տպագրել ժամանակի մամուլում, որոնք այնուհետև տպագրվել են նաև առանձին ժողովածուով` «Անհենարան ու անխարիսխ` երկրի նման» (2007թ.): 1996թ-ից եղել է Հայաստանի գրողների միության անդամ, 2002թ-ից՝ «Գարուն» գրական-գեղարվեստական ամսագրի գլխավոր խմբագիրը: Մահացել է Երևանում:
