ԿԱՐԵՆ ԱՆՏԱՇՅԱՆ

Բանաստեղծ

Ծնվել է 1983թ. փետրվարի 3-ին, Կիրովականում (այժմ՝ Վանաձոր): 1999-2005թթ սովորել է ՀՊՃՀ «Ձեռնարկությունների տնտեսագիտություն և կառավարում» բաժնում: 2003թ. մի քանի համախոհների հետ հիմնադրել և հրատարակել է ուսանողների իրավունքների պաշտպանությամբ զբաղվող «Ուսանողի Ձայն» ամսագիրը: 2009թ. մի խումբ երիտասարդ գրողների և գրաքննադատների հետ հիմնադրել է «Գրանիշ» գրական հիմնադրամը, որի գլխավոր նպատակը հայոց լեզվի և հայ գրականության պահպանությունը, զարգացումն ու տարածումն է: Անդամակցում է երեխաների մշակութային դաստիարակությամբ զբաղվող «Մասրենի» կազմակերպությանը: Հրատարակված գրքերից են` «Վերջից հետո, Սկզբից առաջ» (2004թ.), «Անտաշատ» (2009թ.), «Ծիլի-Ծով. գիրք հմայության» (2014թ.): Տպագրվել է մի շարք պարբերականներում` «Գրանիշ» գրական հանդես, «Հայկական ժամանակ» օրաթերթ, «ՆյուՄեգ» ամսագիր, «Նարցիս» գրական-գեղարվեստական, մշակութային ամսագիր, «Գրական թերթ» ՀԳՄ պաշտոնաթերթ, «Գրեթերթ», ՀԳՄ գրական-երիտասարդական թերթ և այլն: Նրա բանաստեղծությունները թարգմանվել են անգլերեն, ֆրանսերեն, իսպաներեն, ռուսերեն, ռումիներեն, լեհերեն: 2008թ. մամուլում տպագրված բանաստեղծական շարքի համար արժանացել է Հակոբ Կարապենցի անվան պարգևի, իսկ «Բերքի տոն» բանաստեղծական շարքի համար` Գրեթերթի պոեզիայի մրցանակին: 2010թ. «Ականջներդ կկտրեմ» պատմվածքի համար արժանացել է «Ինքնագիր» գրական ակումբի ժյուրիի հատուկ մրցանակին:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար