ԱՐՄԱՆ ՂՈՒՇՉՅԱՆ

Կոմպոզիտոր

Ծնվել է 1981թ. մարտի 14-ին, Երևանում: 2005թ. ավարտել է Մոսկվայի պետական կոնսերվատորիան` Ռոման Լեդենյովի դասարանը: 2006-08թթ սովորել է Բազելի երաժշտական ակադեմիայում` Ռոլանդ Մոզերի (կոմպոզիցիա), Գեորգ Ֆրիդրիխ Հաասի (գործիքավորում) և էրիկ Օնյայի (էլեկտրոնային երաժշտություն) դասարաններում: 2010-12թթ կատարելագործվել է Դրեզդենի երաժշտական համալսարանում` Մարկ Անդրեյի (կոմպոզիցիա) և Ֆրանց Մարտին Օլբրիշի (էլեկտրոնային երաժշտություն) ղեկավարությամբ: 2008-13թթ համոնիա, գործիքավորում և կոմպոզիցիա է դասավանդել Մոսկվայի Պ.Չայկովսկու անվան պետական կոսերվատորիայում: 2011-12թթ եղել է կոմպոզիտոր Մարկ Անդրեի ասիստենտը` դասավանդելով Դրեզդենի երաժշտական բարձրագույն դպրոցում: Դարձել է մի շարք միջազգային մրցույթների դափնեկիր, այդ թվում` Դ.Շոստակովիչի անվան մրցույթ (Մոսկվա, 2006թ.), «Pre-Art» 3-րդ միջազգային մրցույթի երկրորդ մրցանակ (Ցյուրիխ, 2007թ.): Շվեյցարիայի Ֆեդերալ և DAAD կրթաթոշակների հաղթող է: 2010-11թթ բնակվել է Րիխարդ Վագների մշակութային տանը (Richard-Wagner-Stätten)` Դրեզդենի մերձակայքում: Կոմպոզիտորի ստեղծագործությունները հնչում են մի շարք երկրների բազմաթիվ նախագծերում և փառատոներում, ինչպիսիք են Մոսկվայի «Աշուն» (2004թ., 2005թ., 2009-11թթ), մոսկովյան «Ֆորում» (2003թ.), «ISCM World New Music Days» (2004թ., Շվեյցարիա), Կիևի երաժշտական փառատոն (2009թ., Ուկրաինա), «Tonkünslerfest Zürich» (2007թ.), «Convergence» (2010թ. և 2013թ., Թբիլիսի), «Culturescapes: Moskau» (2012թ., Բազել), «Նոր երաժշտության 2 օր և 2 գիշեր» (2013թ., Օդեսսա) և այլն: Համագործակցել է անվանի երաժինշտների և նվագախմբերի հետ, որոնց թվում են Դրեզդենի ֆիլհարմոնիկ նվագախումբը, Բազելի սիմֆոնիկ նվագախումբը, Ռուսաստանի պետական սիմֆոնիկ նվագախումբը, Պ.Չայկովսկու անվան սիմֆոնիկ մեծ նվագախումբը, Դրեզդեն Սիմֆոնիետտան, «Ֆոնիքս» անսամբլը, Մոսկվայի ժամանակակից երաժշության անսամբլը, «Convergence» և «Pre-Art» անսամբլները, «Courage» անսամբլը, դիրիժորներ Յուրգեն Հեմպելը, Էկկեհարդ Կլեմը, Յուրգ Հեննեբերգերը, մենակատարներ Արթուր Ավանեսովը, Վիվիան Շլասսոն, Կոնստանտին Վոլոստնովը, Շտեֆան Շմիտը և ուրիշներ: Նրա ստեղծագործությունների մի մասը հրատարակվում է ֆրանսիական «Le Chant du Monde» երաժշտական հրատարակչությունում: 1993թ-ից բնակվում է Մոսկվայում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար