ԱՆԴՐԱՆԻԿ ՄԱՐԳԱՐՅԱՆ

Քաղաքական գործիչ

12 հունիս, 1951 - 25 մարտ, 2007

Ծնվել է Երևանում: 1967-72թթ սովորել է Երևանի պոլիտեխնիկական ինստիտուտի տեխնիկական կիբեռնետիկայի ֆակուլտետում` ստանալով հաշվիչ մեքենաների ինժեների որակավորում: 1965թ-ից զբաղվել է քաղաքականությամբ: 1972-74թթ աշխատել է Գազի արդյունաբերության համամիութենական գիտահետազոտական ինստիտուտի Երևանի մասնաճյուղում` որպես գիտաշխատող, ավագ ինժեներ, 1977-78թթ` Հայաստանի էներգետիկայի գիտահետազոտական ինստիտուտում` որպես գլխավոր ինժեներ, 1978-79թթ` Էլեկտրատեխնիկական գործարանում` որպես էլեկտրոնային հաշվիչ մեքենաների բաժնի պետ, 1979-90թթ` ՀՀ առևտրի նախարարության հանրապետական ինֆորմացիոն հաշվողական կենտրոնում` որպես էլեկտրոնիկայի բաժնի վարիչ, 1990-94թթ` ՀՀ Հատուկ ծրագրերի պետական վարչությունում` որպես ինֆորմացիայի բաժնի ղեկավար, 1994-95թթ` Հայաստանի պետական ճարտարագիտական համալսարանում` որպես կրտսեր գիտաշխատող: 1968թ-ից եղել է խորհրդային տարիներին ընդհատակյա գործող Ազգային Միացյալ Կուսակցության անդամ, 1973թ-ից` ԱՄԿ խորհրդի անդամ: Հանդես է եկել խորհրդային տոտալիտար համակարգի քննադատությամբ, Հայ դատի պաշտպանության դիրքերից և հայ ժողովրդի ապագան տեսել ժողովրդավարական, անկախ պետության առկայության պայմաններում: Իր գաղափարների տարածման և ծավալած գործունեության համար 1974թ. ձերբակալվել է և դատապարտվել երկու տարվա ազատազրկման: 1992թ-ից եղել է Հայաստանի Հանրապետական կուսակցության (ՀՀԿ) անդամ, 1993-97 և 1998-2005 թթ` ՀՀԿ խորհրդի նախագահը: 1997-98թթ եղել է ՀՀԿ նախագահը, 2005թ. դարձյալ ընտրվել է ՀՀԿ նախագահ: 1995-99թթ եղել է ՀՀ Ազգային ժողովի առաջին գումարման պատգամավոր: 1999թ. դարձյալ ընտրվել է ՀՀ ԱԺ պատգամավոր և եղել է մեծամասնություն կազմած «Միասնություն» խմբակցության ղեկավարը: 2000-07թթ եղել է ՀՀ վարչապետը: ՀՀ անկախության հռչակման 15-րդ տարեդարձի կապակցությամբ, պետականության կայացման և տնտեսության զարգացման գործում ներդրած մեծ ավանդի համար պարգևատրվել է ՀՀ «Մեսրոպ Մաշտոց» շքանշանով: Պարգևատրվել է նաև ՀՀ ՊՆ «Վազգեն Սարգսյան», «Գարեգին Նժդեհ» մեդալներով, ԵԿՄ «Վազգեն Սարգսյան» շքանշանով, ՀՀ ոստիկանության «Արամ Մանուկյան» մեդալով, Ֆ.Նանսենի հիմնադրամի «Ֆ.Նանսեն» մեդալով: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար