ԳՐԻԳՈՐ ԱՐԶՈՒՄԱՆՅԱՆ

Քաղաքական գործիչ

22 ապրիլ, 1919 - 28 նոյեմբեր, 1976

Ծնվել է ՀՀ Կապանի շրջանի Կավարտ գյուղում (այժմ՝ Բանավան): Կապան քաղաքի միջնակարգ դպրոցն ավարտելուց հետո, ընդունվել է Երևանի պոլիտեխնիկական ինստիտուտի շինարարական ֆակուլտետ, որն ավարտել է 1941թ. և մեկնել խորհրդային բանակ: 1942թ. ավարտել է Լենինգրադի ռազմատրանսպորտային ակադեմիան և անմիջապես ուղարկվել ռազմաճակատ: Ակտիվորեն մասնակցել է Հայրենական Մեծ պատերազմին Լենինգրադի ռազմաճակատում և Հյուսիսային Կովկասյան, Հարավային, Անդրկովկասյան ռազմաճակատների զորքերի ու Սևծովյան զորախմբի կազմում: 1946-48թթ աշխատել է Հայաստանի գլխավոր ճանապարհային վարչության հետախուզական խմբի պետ, ապա` արշավախմբի պետ: 1948-53թթ. եղել է ՀԿԿ Կենտկոմի արդյունաբերական, տրանսպորտային բաժնի վարիչը, 1953-54թթ` Հայաստանի գլխավոր ճանապարհային վարչության պետը, ավտոտրանսպորտի և խճուղային ճանապարհների նախարարի տեղակալը: 1954-56թթ եղել է ՀԿԿ Երևանի քաղկոմի երկրորդ քարտուղարը, 1965-72թթ` ՀԿԿ Կոմկուսի քարտուղար, 1972-76թթ` ՀԽՍՀ Մինիստրների խորհրդի նախագահը: Հատկապես արդյունավետ աշխատանք է կատարել հանրապետության արդյունաբերության ու շինարարության բնագավառում: Հայրենիքին մատուցած ծառայությունների համար պարգևատրվել է «Կարմիր աստղի», «Հայրենական պատերազմի 2-րդ աստիճանի», «Հոկտեմբերյան հեղափոխության», «Աշխատանքային կարմի դրոշի» շքանշաններով ու մեդալներով: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար