Արմեն Տիգրանյան

Կոմպոզիտոր, դիրիժոր

Արամ Թորոսյան

Ճարտարապետ, գրող

Մկրտիչ Արմեն

Բանաստեղծ, արձակագիր, թարգմանիչ

Փայլակ Մանուկյան

Ճարտարապետ

Արկադի Մաղդասյան

Կրկեսի արտիստ, ակրոբատ

Անահիտ Սեկոյան

Արձակագիր

Հրաչյա Ղափլանյան

Բեմադրիչ, դերասան

Գոհար Գասպարյան

Օպերային երգչուհի

Վարուժան Նալբանդյան

Արձակագիր, դրամատուրգ, թարգմանիչ

Տիգրան Լևոնյան

Օպերային երգիչ, բեմադրիչ

Գեորգի Թովմասյան

Գեղանկարիչ

Անահիտ Արփեն

Արձակագիր

Մարի Սանթրոսյան

Դերասանուհի

Եվա Սուջյան

Երգչուհի, երաժիշտ

Ժորա Սարգսյան

Դաշնակահար

 

 

 

 

ԶԱՐԵՀ ՄՈՒՐԱԴՅԱՆ

Բալետի արտիստ, պարուսույց

20 նոյեմբեր, 1913 - 18 դեկտեմբեր, 1979

Ծնվել է Արևմտյան Հայաստանի Կարս քաղաքում: Եղել է դերասան Էդուարդ Մուրադյանի եղբայրը: 1927-35թթ սովորել է Երևանի պարարվեստի ստուդիայում, ապա` ԽՍՀՄ Մեծ թատրոնի պարարվեստի պետական ուսումնարանում` Վ.Սեմյոնովի արվեստանոցում: 1972թ. էքստերն կարգով ավարտել է Երևանի գեղարվեստաթատերական ինստիտուտի ռեժիսորական ֆակուլտետը: 1935-38թթ եղել է Մոսկվայի Մեծ թատրոնի, 1938-57թթ` Երևանի Ա.Սպենդիարյանի անվան օպերայի և բալետի ակադեմիական թատրոնի արտիստ: Որպես բալետի դերասան հանդես է եկել բազմաթիվ ներկայացումներում` Պ.Չայկովսկու «Շելկունչիկ», «Եվգենի Օնեգին», «Կարապի լիճ», Բ.Ասաֆևի «Բախչիսարայի շատրվան» (Նուրալլի), «Կովկասի գերին», Ժ.Բիզեի «Կարմեն», Ռուբենշտեյնի «Դևը», Բորոդինի «Իշխան Իգոր», Լ.Մինկուսի «Դոն Կիխոտ», Ս.Պրոկոֆևի «Մոխրոտը», Ա.Տեր-Ղևոնդյանի «Անահիտ», Ա.Խաչատրյանի «Գայանե» (Կարեն), «Երջանկություն» (Ավետ), Ա.Սպենդիարյանի «Խանդութ» (Գուսան), Գ.Հախինյանի «Լոռեցի Սաքոն» և այլն: Երևանի օպերայի և բալետի, ԽՍՀՄ երկրների, Եվրոպայի և Ասիայի բազմաթիվ թատրոններում բեմադրել է մի շարք պարային համարներ՝ Ա.Սպենդիարյանի «Խանդութ» (1956թ., Ա.Վարկավիցկու հետ), Է.Հովհաննիսյանի «Մարմար» (1957թ., Ի.Արբատովի հետ), Խաղագործյանի «Սոնա» (1958թ., Ա.Ղարիբյանի հետ) բալետները, պարեր ազգային և դասական օպերաներում (Պ.Չայկովսկու «Եվգենի Օնեգին», Դոնիցետտիի «Լյուչիա դի Լամերմուր» և այլն): Հյուրախաղերով հանդես է եկել աշխարհի բազմաթիվ երկրներում, մի շարք հոբելյանական և պետական տոներին: Հեղինակել է «Քաջ Նազար» ֆիլմի պարային կատարումը: 1938-42թթ եղել է Երևանի պարարվեստի պետական ուսումնարանի գեղարվեստական ղեկավարը: 1935-38թթ դասավանդել է Մոսկվայի Կամերային, 1938թ.` Ե.Վախթանգովի անվան պետական ակադեմիական թատրոններում, ապա` Մոսկվայի Մեծ թատրոնի պարարվեստի ակադեմիայում, Երևանի օպերայի և բալետի թատրոնում, Պարարվեստի պետական ուսումնարանում, Երևանի գեղարվեստաթատերական ինստիտուտում: Եղել է Հայաստանի թատերական գործիչների միության անդամ, պրոֆեսոր: Արժանացել է բազմաթիվ պետական պարգևների, մրցանակների, մեդալների, դարձել է մի շարք մրցույթների դափնեկիր: 1961թ. արժանացել է Հայաստանի արվեստի վաստակավոր գործչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար