Միքայել Պատկանյան

Դրամատուրգ, թատերական գործիչ, թարգմանիչ

Գուսան Ջիվանի

Աշուղ, երգիչ

Իսկուհի Մինաս

Արձակագիր, բանաստեղծ

Դանիել Դզնունի

Արվեստաբան

Լուիզա Ասլանյան

Արձակագիր, պետական գործիչ

Դանիել Գևորգյան

Բանաստեղծ, արձակագիր

Կառլեն Նուրիջանյան

Քանդակագործ

Գևորգ Քրիստինյան

Բանաստեղծ, արձակագիր, թարգմանիչ

Ֆրիդ Սողոյան

Քանդակագործ

Նարե Համբարձումյան

Հաղորդավար, երգչուհի

 

 

 

 

ՍՏԵՓԱՆ ԷՔՇՅԱՆ

Դերասան, բեմադրիչ

16 ապրիլ, 1834 - 11 դեկտեմբեր, 1901

Ծնվել է Կոստանդնուպոլսում: Կրթությունն ստացել է Փարիզի Մուրադյան վարժարանում, որտեղ մասնակցել է աշակերտական ներկայացումներին: 1856-58թթ խաղացել է Սրապիոն Հեքիմյանի կազմակերպած թատերախմբում: 1861թ., երբ հիմնադրվել է հայտնի «Արևելյան թատրոնը», մասնակցել է հենց առաջին ներկայացումներին և կարճ ժամանակից դարձել խմբի աչքի ընկնող ուժերից մեկը, վարել նաև ռեժիսորի պարտականություններ: «Արևելյան թատրոնի» փակվելուց հետո, խաղացել է Հակոբ Վարդովյանի «Օսմանյան թատրոնում», ապա` Պետրոս Մաղաքյանի խմբում: Փայլել է հատկապես պատմական ողբերգություններում և արևմտաեվրոպական մելոդրամաներում: Խաղացած ներկայացումներից են` Թ.Թերզյանի «Սանդուխտ կույս» (Սանատրուկ թագավոր), Մ.Պեշիկթաշլյանի «Արշակ Երկրորդ» (Արշակ Երկրորդ), Ռ.Սետեֆճյանի «Վարդան Մամիկոնյան փրկիչ հայրենյաց» (Վարդան Մամիկոնյան) և այլն: Նրա դերասանական տաղանդը բարձր է գնահատվել ժամանակի մամուլում: Եղել է դերասան Պետրոս Ադամյանի ուսուցիչներից: Մահացել է Կոստանդնուպոլսում: