Խրիմյան Հայրիկ

Մշակութային, եկեղեցական, պետական գործիչ, գրող

Ղազարոս Աղայան

Արձակագիր, բանաստեղծ

Գրիգոր Շարբաբչյան

Գեղանկարիչ, բեմանկարիչ

Վահրամ Արիստակեսյան

Պարող, պարուսույց

Դավիթ Մալյան

Դերասան

Շառլ Տետեյան

Գրականագետ

Դերենիկ Դանիելյան

Քանդակագործ

Մարտին Վարդազարյան

Կոմպոզիտոր, ջազմեն

Գագիկ Դավթյան

Բանաստեղծ, թարգմանիչ

Վալերի Ափինյան

Գեղանկարիչ

Էդուարդ Հախվերդյան

Բանաստեղծ, թարգմանիչ

Ստեփան Ռոստոմյան

Կոմպոզիտոր

Միքայել Աբաջյանց

Արձակագիր, թարգմանիչ

Արամ Թալալյան

Դիրիժոր, թավջութակահար

Արման Մարգարյան

Հաղորդավար

 

 

 

 

ՀԱՄԲԱՐՁՈՒՄ ԽԱՉԱՆՅԱՆ

Դերասան

1 փետրվար, 1894 - 30 հունիս, 1944

Ծնվել է Արևմտյան Հայաստանի Տրապիզոն քաղաքում: Մեկ տարեկան հասակում տեղափոխվել է Ռուսաստան: Միջնակարգ կրթությունն ստացել է Եկատերինոդարի ռուսական դպրոցում, ապա ավարտել է հայկական ծխական դպրոցի չորս դասարանները: 1919թ. Սիմֆերոպոլում ավարտել է Նիկիտինի մասնավոր կինոստուդիան: Բաթումի, Սուխումի, Կրասնոդար, Սիմֆերոպոլ և այլ քաղաքներում հանդես է եկել ռուսական, երբեմն, հայկական թատերախմբերի հետ: 1922թ. Բաթումիում խաղալիս, նրան նկատել է Վահրամ Փափազյանը և երիտասարդ դերասանին իր հետ բերել Երևան, որտեղ դարձել է Առաջին պետթատրոնի (այժմ` Գ.Սունդուկյանի անվան ազգային ակադեմիական թատրոն) դերասան: Եղել է հայկական Առաջին պետթատրոնի և ազգային կինեմատոգրաֆիայի հիմնադիրներից: 1933-35թթ խաղացել է Երևանի բանվորական թատրոնում: Ցայտուն անհատականության կատակերգակ-արտիստին բնորոշ էին հոգեբանական նրբերանգներով հագեցած, սոցիալական նկարագրով հուզիչ, գեղարվեստորեն հավաստի խաղ թե դրամատիկական թատրոնում, թե կինոյում: Խաղացած ներկայացումներից են` Մոլիերի «Դոն Ժուան» (Սգանարել), Վ.Շեքսպիրի «Անսանձ կնոջ սանձահարումը» (Գրումիո), «Վինձորի զվարճասեր կանայք» (Ֆալստաֆ), Հ.Պարոնյանի «Պաղտասար աղբար» (Պաղտասար), «Մեծապատիվ մուրացկաններ» (Աբիսողոմ աղա), Սուխովո-Կոբիլինի «Կրեչինսկու հարսանիքը» (Ռասպլյուև), Ա.Օստրովսկու «Անտառ» (Սչաստլիվցև) և այլն: 1925թ-ից կերտել է մի շարք գլխավոր դերեր հայկական ֆիլմերում` «Նամուս» (1925թ.), «Զարե» (1926թ.), «Շոր և Շորշոր» (1926թ.), «Խասփուշ» (1927թ.), «Մեքսիկական դիպլոմատներ» (1931թ.), «Կիկոս» (1933թ.), «Պեպո» (1935թ.), «Մևանի ձկնորսները» (1938թ.), «Քաջ Նազար» (1940թ.) և այլն: Նկարահանվել է նաև համր կինոկոմեդիաներում: 1935թ. արժանացել է Հայաստանի վաստակավոր արտիստի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար