ՄԱՐԳՈ ՂՈՒԿԱՍՅԱՆ

Արձակագիր, լրագրող

17 ապրիլ, 1927 - 27 ապրիլ, 2013

Ծնվել է Լենինականում (այժմ՝ Գյումրի)` Արևմտյան Հայաստանի Բասեն գավառի Դալի Բաբա գյուղից գաղթած ծնողների ընտանիքում: 1950թ. ավարտել է Երևանի պետական համալսարանի բանասիրական ֆակուլտետի ժուռնալիստիկայի բաժինը: Այնուհետև երկար տարիներ աշխատել է «Պիոներ կանչ» թերթում և «Գարուն» ամսագրում: Հրապարակվել են գրողի ստեղծագործությունների մի քանի ժողովածուներ, որոնց մի մասը թարգմանվել են այլ լեզուներով: 1978թ-ից եղել է Հայաստանի գրողների միության անդամ: Հեղինակել է 13 գիրք, տասնյակ ակնարկներ, հուշագրույթյուններ և շուրջ 400 հրապարակախոսական հոդվածներ: Վերջին գիրքը կոչվում է «Անվերնագիր...1915թ.», որը հեղիակել է 80-անց հասակում, երեք տարվա ընթացքում: Այն նվիրված է Հայոց Ցեղասպանության (1915թ.) զոհերի հիշատակին և ներկայացնում է ականտեսների հիշողությունները: 2011թ. գիրքը արժանացել է Հայաստանի գրողների միության «Տարվա լավագույն գիրք» մրցանակաբաշխության Միքայել Նալբանդյանի անվան մրցանակին: 2011թ. լույս է տեսել նաև գրողի «Գիսավոր աստղի տարին» գիրքը: Ճարտարապետության ոլորտում ունեցած վաստակի համար պարգևատրվել է Հայաստանի ճարտարապետների միության պատվավոր դիպլոմով: 1986թ. արժանացել է Հայաստանի վաստակավոր ժուռնալիստի կոչման, 2011թ.՝ ՀՀ «Մովսես Խորենացի» մեդալի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար