Արմեն Տիգրանյան

Կոմպոզիտոր, դիրիժոր

Արամ Թորոսյան

Ճարտարապետ, գրող

Մկրտիչ Արմեն

Բանաստեղծ, արձակագիր, թարգմանիչ

Փայլակ Մանուկյան

Ճարտարապետ

Արկադի Մաղդասյան

Կրկեսի արտիստ, ակրոբատ

Անահիտ Սեկոյան

Արձակագիր

Հրաչյա Ղափլանյան

Բեմադրիչ, դերասան

Գոհար Գասպարյան

Օպերային երգչուհի

Վարուժան Նալբանդյան

Արձակագիր, դրամատուրգ, թարգմանիչ

Տիգրան Լևոնյան

Օպերային երգիչ, բեմադրիչ

Գեորգի Թովմասյան

Գեղանկարիչ

Անահիտ Արփեն

Արձակագիր

Մարի Սանթրոսյան

Դերասանուհի

Եվա Սուջյան

Երգչուհի, երաժիշտ

Ժորա Սարգսյան

Դաշնակահար

 

 

 

 

ՀԱԿՈԲ ԿՈՋՈՅԱՆ

Գեղանկարիչ

1 դեկտեմբեր, 1883 - 24 ապրիլ, 1959

Ծնվել է Ախալցխայում: Մանկությունն անցել է Վլադիկավկազում, ուր սովորել է քաղաքային ուումնարանում: 16 տարեկան հասակում ընդունվել է Մոսկվայի Պրուսովի անվան արվեստանոց, որն ավարտելուց հետո, 1890-ականների սկզբին ընդունվել է Մյունխենի նկարիչ Անտոն Աշբեի գեղարվեստական ստուդիա: 1905թ. ընդունվել է Մյունխենի գեղարվեստի ակադեմիա: 1907թ ավարտել է այն և մեկնել Փարիզ, որտեղ բնակվել է երկու տարի: Նրա գործունեությունը լայն ընդգրկում է ունեցել` գրաֆիկա, գեղանկար, կիրառական արվեստ, բեմանկարչություն, մանկավարժություն: 1918թ. հնէաբանական մի խմբի հետ, պեղումների նպատակով, շրջագայության է մեկնել Արևմտյան Հայաստանի Անի քաղաք: 1920-ականների սկզբին մոտ 2 տարի բնակվել է Թավրիզում և այդ ժամանակաշրջանում էլ ծնունդ են առել «Թավրիզի փողոցները», «Թավրիզի երեխաները», «Թավրիզուհին» եւ «Թավրիզի ճաշարանը» ստեղծագործությունները: 1922թ., Հայաստանի կառավարության հրավերով, տեղափոխվել է Երևան և ձեռնամուխ եղել նորաստեղծ հանրապետության մշակույթի զարգացմանը: Գրքարվեստի վերականգնման դժվարին առաքելությունը հանձն առնելով` կարողացել է փայլուն կերպով լուծել խնդիրը` դառնալով ժամանակակից հայկական գրքային գրաֆիկայի հիմնադիրը: Այդ ժամանակների ամենաբարդ ու ամենահայտնի գործերից է եղել «Սասունցի Դավիթ» գրաֆիկական կոմպոզիցիան: 1934թ. Մոսկվայում բացվել է նրա ձևավորած գրքերի ցուցահանդեսը: 1940-ականներին ստեղծել է արծաթե իրերի նմուշներ, իսկ 1950-ականներին աշխատել է կերամիկայի և հախճապակու վրա: Աշխատանքերը ցուցադրված են Մոսկվայի, Սանկտ-Պետերբուրգի, Կիևի, Երևանի պատկերասրահներում: Դեռ կենդանության օրոք ստեղծագործույունները ներկայացվել են Լոնդոնի, Ֆիլադելֆիայի, Փարիզի թանգարաններում: Ճարտարապետ Ալեքսանդր Թամանյանի հետ համատեղ ստեղծել է ՀՀ զինանշանը: 1935թ. արժանացել է Հայաստանի ժողովրդական նկարչի կոչման: Մահացել է Երևանում: 1973թ. Երևանում բացվել է Հակոբ Կոջոյանի տուն-թանգարանը, ուր ցուցադրված են նկարչի գրաֆիկական եւ գեղանկարչական աշխատանքները:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար