
Հակոբ Հովհաննիսյան
Երաժշտագետ

Արա Վրույր
Դերասան, լուսանկարիչ

Հատիկ Ազիզյան
Պատմաբան, լրագրող

Խաչիկ Նազարեթյան
Դերասան

Էվերտ Պայազատ
Կինոգետ, կինոսցենարիստ

Վահանդուխտ Երեղյան
Ճարտարապետ

Դանիել Երաժիշտ
Ջութակահար, դիրիժոր, երաժշտագետ

Թովմաս Պողոսյան
Երգիչ, բանահավաք

Նաիրա Շահիրյան
Դերասանուհի, հաղորդավար

Արա Նախշքարյան
Գրող, լրագրող, գեղանկարիչ

Ծովինար Մարտիրոսյան
Դերասանուհի

Մանու Իրիցյան
Հաղորդավար, լրագրող

Նաիրա Կոլոզյան
Դերասանուհի
ԳԵՎՈՐԳ ԲՈՒՐՋԱԼՅԱՆ

14 ապրիլ, 1869 - 10 դեկտեմբեր, 1924
Ծնվել է Աստրախանում: Եղել է դերասան Արշակ Բուրջալյանի եղբայրը: Ավարտել է Մոսկվայի Բարձրագույն տեխնիկական ուսումնարանը: Եղել է Կ.Ստանիսլավսկու Արվեստի և գրականության ընկերության մշտական անդամը, Մոսկվայի գեղարվեստական թատրոնի հիմնադիր անդամներից: 1898թ-ից մինչև կյանքի վերջը աշխատել է այդ թատրոնում` որպես դերասան, ապա և ռեժիսոր: 1921թ. եղել է թատրոնի 4-րդ ստուդիայի ղեկավարը: Մեծ ներդրում է ունեցել թատրոնի պատմության հավաքագրման և թանգարանի ստեղծման գործում: Եղել է մի շարք ներկայացումների երկրորդ ռեժիսորը: Խաղացել է բնութագրային էպիզոդիկ դերեր, աչքի ընկել կատարման վիրտուոզ վարպետությամբ: Խաղացած ներկայացումներից են` Ա.Տոլստոյի «Ֆեոդոր Իվանովիչ արքան» (Վասիլի Շույսկի), Հաուպտմանի «Միայնակ մարդիկ» (Պաստոր Կոլլին), Հ.Իբսենի «Պեր Գյունտ» (Պապ) և այլն: Մասնակցել է Մոսկվայում հայկական սիրողական ներկայացումներին, իսկ 1909-10թթ, Օվի Սևումյանի հետ, կազմակերպել է հայկական թատերախումբ, բեմադրել Գ.Սունդուկյանի և Ա.Շիրվանզադեի պիեսները: Կ.Ստանիսլավսկին բարձր է գնահատել դերասանին, ով իր անմիջական օգնականն էր, իսկ Վ.Նեմիրովիչ-Դանչենկոն նրան անվանել է Մոսկվայի թատրոնի դրոշակակիր: Նկարահանվել է «Սամուել Գիպ, կամ Լակեյ-խաբեբա» (1916թ.), «Երկրի և երկնքի գույները» (1918թ.), «Տնային հռետորը» (1920թ.) ֆիլմերում: Մահացել է Մոսկվայում: