Սիմոն Ճուլարտյան

Բանահավաք, բանասեր

Հովսեփ Աթաբեկյանց

Հրապարակախոս, թարգմանիչ, գյուղատնտես

Ալեքսանդր Սպենդիարյան

Կոմպոզիտոր, դիրիժոր

Տիգրան Խրլոպյան

Մշակութային գործիչ, արձակագիր

Արմեն Գուլակյան

Բեմադրիչ, դրամատուրգ

Մարիամ Ասլամազյան

Գեղանկարչուհի

Առլեն Ֆրենսիս

Դերասանուհի

Գուրգեն Հովնան

Գրականագետ

Անջելո Էֆրիկյան

Ջութակահար, դիրիժոր, երաժշտագետ

Աիդա Դումանյան

Օպերային երգչուհի

Վահե Ահարոնյան

Դաշնակահար

Սուսաննա Կարապետյան

Երգահան, քանոնահար

Ռուբեն Եսայան

Քանդակագործ

Հովհաննես Զատիկյան

Արձակագիր, պատմաբան

Անահիտ Ֆլջյան

Արվեստաբան

Արարատ Սարգսյան

Գեղանկարիչ

Ալբինա Համբարձումյան

Երգահան, երաժիշտ

 

 

 

 

ԱՇՈՏ ՍԱԹՅԱՆ

Կոմպոզիտոր, դիրիժոր

5 հունվար, 1906 - 30 սեպտեմբեր, 1958

Ծնվել է Թուրքմենստանի Մերվ (այժմ՝ Մարի) քաղաքում: Եղել է կոմպոզիտոր Արամ Սաթունցի եղբայրը: 1926-30թթ սովորել է Բաքվի Հայարտան երաժշտական ստուդիայում: 1930թ-ից բնակվել է Երևանում: 1936թ. ավարտել է Երևանի Կոմիտասի անվան պետական կոնսերվատորիայի ստեղծագործական (դասատուներ՝ Հարո Ստեփանյան, ապա՝ Սարգիս Բարխուդարյան) և դիրիժորական (դասատու՝ Կոնստանտին Սարաջև) դասարանները: 1930-39թթ աշխատել է Երևանի Գ.Սունդուկյանի անվան ազգային ակադեմիական թատրոնում՝ որպես երաժշտական մասի վարիչ և դիրիժոր: 1939-47թթ ղեկավարել է «Հայկինո» ստուդիայի երաժշտական մասը: 1947-52թթ եղել է Հայաստանի կոմպոզիսորների միության վարչության նախագահը, ԽՍՀՄ կոմպոզիտորների միության վարչության անդամ: Կոմպոզիտորի ինքնատիպ ոճն ու վարպետությունը ձևավորվել են երգի ժանրում՝ հայ մոնոդիկ երաժշտության տարբեր ճյուղերի կոմպոզիցիոն հատկանիշների ստեղծագործական յուրացման ու զարգացման հիման վրա: Երգերը (գրված մեծ մասամբ Գ.Սարյանի բանաստեղծություններով) բազմազան են, նախ, իրենց տեսակներով ու մեղեդիական կերտվածքով՝ առանց նվագակցության մասսայական երգ, էստրադային երգ-ռոմանս, խմբերգային կրկնակով երգեր, զուգերգ, խմբերգ, ժողգործիքների, ժողովրդական երգի ու պարի անսամբլի, սիմֆոնիկ նվագախմբի նվագակցությամբ (գործիքային մասի նշանակալից դերով) երգեր՝ ծորուն եղանակավոր. ասերգային-պատմողական, պարային, զարդարուն-կոլորատուրային և այլն: Հարուստ ու բազմազան են նաև այդ երգերի տրամադրություններն ու հուզական երանգները, քնարական՝ «Մարտիկի երգը» (նվիրված է Հայրենական Մեծ պատերազմի թեմային), «Սիրո երգ», «Աղբյուրի մոտ», վիպական՝ «Լավ լսեք ինձ», «Աշխատանքի երգ», «Կենաց երգ» և այլն: Սրանց բոլորի մեղեդիներին հատուկ են ելևէջային թարմություն ու կառուցվածքային հնարամտություն, հուզական անմիջականություն և վառ պատկերավորություն: Նույն առումներով նշանակալից են նաև կոմպոզիտորի համեմատաբար խոշոր կտավի երկերը՝ վոկալ-սիմֆոնիկ «Արարատյան հովտի երգեր» (1950թ., ԽՍՀՄ Պետական մրցանակ, 1952թ.) և «Լեռների երգեր» (1958թ.) շարքերը, սոպրանոյի և սիմֆոնիկ նվագախմբի համար՝ «Գայանեի արիան» (գրված Ա.Իսահակյանի բանաստեղծության հիման վրա), կոլորատուր սոպրանոյի, երգչախմբի ու սիմֆոնիկ նվագախմբի համար՝ «Գարնան երգ» կոնցերտային վալսը և այլն: Հեղինակել է նաև հայկական անսամբլային առաջին երկերից մեկը՝ Լարային կվարտետի (1936թ.), «Զանգեզուրի լեռներում» սիմֆոնիկ պատկերները (1952թ.), փողային նվագախմբի համար գրված քայլերգերը (դրանց թվում՝ «Զաքիյանի դիվիզիայի քայլերգը», 1942թ.), բազմաթիվ դրամատիկական ներկայացումների և կինոնկարների երաժշտություն («Դավիթ Բեկ», 1944թ., «Անահիտ», 1947թ., «Ում է ժպտում կյանքը», 1952թ. և այլն), երաժշտական ձևավորումներ («Սովետական Հայաստան» ֆիլմի համար նրա երաժշտական ձևավորումը Կարլովի Վարիի միջազգային կինոփառատոնում 1951թ. արժանացել է մրցանակի): Կոմպոզիտորի ստեղծագործությունն ամբողջապես տոգորված է ջերմ հայրենասիրական ոգով: Պարգևատրվել է «Պատվո նշան» շքանշանով: 1947թ. արժանացել է Հայաստանի արվեստի վաստակավոր գործչի կոչման: Մահացել է Երևանում:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար