Գրիգոր Ահարոնյան

Քանդակագործ

Ավետիս Սանճյան

Բանասեր, հայագետ

Միշել Լեգրան

Կոմպոզիտոր, դաշնակահար, դիրիժոր

Արա Վահունի

Կինոռեժիսոր

Ջուլիետա Բաբայան

Դերասանուհի

Արմեն Քոլոզյան

Գեղանկարիչ, խեցեգործ

Աստղիկ Ոսկերչյան

Գոբելենագործ

Սվետլանա Սարգսյան

Գեղանկարչուհի

Զոհրաբ Հարոյան

Հաղորդավար, լրագրող

 

 

 

 

ՄԱՄԻԿՈՆ ՄԱՆՈՒԿՅԱՆ

Դերասան

14 փետրվար, 1927 - 22 ապրիլ, 1995

Ծնվել է Ախալցխայում: Միջնակարգ կրթությունn ստացել է տեղի Կիրովի անվան միջնակարգ դպրոցում (այժմ՝ Հ.Թումանյանի անվան 3-րդ միջնակարգ դպրոց)։ Դպրոցն ավարտելուց հետո ընդունվել է տեղի գյուղատնտեսական տեխնիկումի գինեգործական բաժին։ Սովորելու ընթացքում աշխատել է Ախալցխայի հայկական դրամատիկական թատրոնում որպես դերասան։ Այդ շրջանում դերակատարումներից հիշարժան է Շահ Իսմայիլի դերը։ Այդ տարիներին ստեղծել է նաև առանձին թատերախումբ, որ հյուրախաղերով շրջել է Վրաստանի հայաբնակ գյուղերում, միաժամանակ ղեկավարել է տեղի պիոներ տան թատերական խմբակը։ 1945թ. տեղափոխվել է Երևան, 1950թ. ավարտել է տեղի գեղարվեստաթատերական ինստիտուտի դերասանական բաժինը: 1950-56թթ եղել է Երևանի Պատանի հանդիսատեսի, 1956-95թթ`  Երևանի Գ.Սունդուկյանի անվան ազգային ակադեմիական թատրոնի դերասան: 1980-84թթ ղեկավարել է թատրոնը: Խաղացած ներկայացումներից են` Կ.Գուցկովի «Ուրիել Ակոստա» (Դը Սանթոս), Ա.Օստրովսկու «Անմեղ մեղավորներ» (Մուրով), Վ.Շեքսպիրի «Կորիոլան» (Մենեուս Ագրիպա), Սարդուի և Մորոյի «Մադամ Սան-Ժեն» (Լեֆևր), Ժ.Հարությունյանի «Հարսնացու հյուսիսից» (Մուրադ), «Սրտի արատ» (Ժիրայր), Բ.Նուշիչի «Փիլիսոփայության դոկտոր» (Ռայսեր), Գ.Բորյանի «Նույն հարկի տակ» (Միստր Ստոքս), Գ.Ֆիգեյրեդոյի «Աղվեսը ու խաղողը» (Եթովպացի), Ա.Արաքսմանյանի «Քոսրտի կրակը» (Գնել Ասլանովիչ), Ա.Շիրվանզադեի «Քաոս» (Կարապետ), Ե.Չարենցի «Դեպի ապագան» (Ղաչաղ, թուրք տղա), Վ.Սարոյանի «Իմ սիրտը լեռներում է» (Ռուֆ Էպլի), Դ.Դեմիրճյանի «Վարդանանք» (Խոռխոռունի), Գ.Տեր-Գրիգորյանի «Մեռնող Ֆլորան» (Գաղձ բալիկ), Ֆ.Դոստոևսկու «Ապուշը» (Գեներալ Եպանչին), Ն.Պագոդինի «Իմ բարեկամը» (Միստր Հենրի), Ս.Հարությունյանի «Միայն մարդն է ուղիղ քայլում» (Ռեկտոր), Զ.Դարյանի «Հանրապետության նախագահը» (Երզնկյան), Վ.Դավթյանի «Մհերի դուռը» (Զինվոր), Հ.Պարոնյանի «Պաղտասար աղբար» (Օգսեն, Կիպար), Պ.Զեյթունցյանի «Ավերված քաղաքի առասպելը» (Դրաստամատ), «Անավարտ մենախոսություն» (Մարկոսյան), Է.Լոստանի «Սիրանո Դը Բերժերակ» (Կոմս Դը Գիշ), Բոմարշեի «Ֆիգարոյի ամուսնությունը» (Բարթոլո), Ժ.Անանյանի «Կարուսել» (Սուփրիկյան), «Իմ տունը քո տունը չէ» (Հայրումյան), Բ.Մոլիերի «Քաղքենին ազնվական» (Փիլիսոփայության ուսուցիչ) և այլն: Խաղացել է հեռուստաթատրոնում, նկարահանվել է մի շարք ֆիլմերում, որոնցից են` «Սայաթ-Նովա» (1960թ.), «Լալվարի որսկանը» (1967թ.), «Խաթաբալա» (1971թ.), «Երջանկության մեխանիկա» (1982թ.), «Կապիտան Առաքել» (1986թ.), «Ուր էիր, մարդ Աստծո» (1992թ.), «Ընկեր Փանջունի» (1992թ.) և այլն: 1949թ-ից եղել է Հայաստանի թատերական գործիչների միության անդամ: 1972թ. արժանացել է Հայաստանի վաստակավոր արտիստի կոչման, 1981թ.` ԽՍՀՄ Պետական մրցանակի: Մահացել է Գորիսում, թաղված է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար