ԱՆԱՀԻՏ ԱՐՓԵՆ

Արձակագիր

Ծնվել է 1964թ. դեկտեմբերի 14-ին, ՀՀ Ապարան քաղաքում, որտեղ ստացել է հանրակրթական և երաժշտական կրթություն: 1983թ. ավարտել է Երևանի Կոոպերատիվ առևտրի տեխնիկումի ապրանքագիտական բաժինը: 1983-84թթ աշխատել է Ապարանի կենտրոնական գրադարանում, 1984-85թթ` Երևանի կոոպերատիվ առևտրի տեխնիկումում: 1989թ. ավարտել է Երևանի Խ.Աբովյանի անվան պետական մանկավարժական ինստիտուտի կուլտուրայի ֆակուլտետի ռեժիսորական բաժինը` Ֆրունզե Դովլաթյանի արվեստանոցը: Խաղացել է ուսանողական թատրոնում, ղեկավարել դպրոցական թատերական խմբակ: 1989-96թթ աշխատել է «Հայֆիլմ» կինոստուդիայի նկարահանող խմբերում, 1996-2006թթ` սցենարական բաժնում: 2006թ-ից աշխատում է Հայաստանի ազգային կինոկենտրոնի սցենարական-խմբագրական բաժնում, որտեղ մինչ 2015թ. եղել է ավագ խմբագիր, 2015թ-ից խմբագրական բաժնի ղեկավարն է: Իր սցենարով «Հայֆիլմ» կինոստուդիայում նկարահանել է «Նատյուրմորտ» (1992թ.), իսկ Հայաստանի ազգային կինոկենտրոնում հեղինակել «Անցյալն այսօրվան. Լևոն Իսահակյանի հիշատակին» (2010թ.), «Ձոներգ Լենինականին» (2013թ.) կարճամետրաժ ֆիլմերը: Հեղինակել է «Պատմվածքներ» (2004թ.), «Խաղալիքների անվերջանալի հեքիաթ» (2008թ.), «Անահիտի աղբյուրը» (2015թ.) գրքերը, ինչպես նաև` «Քամելեոն», «Հոգիների ծնունդը», «Անսպառ ոգի» և այլ ֆիլմերի սցենարներ ու մի շարք թատերգություններ: Պարբերաբար տպագրվել է Հայաստանի և Սփյուռքի թերթերում ու ամսագրերում, խմբագրել է գրքեր և ֆիլմեր: 2012թ-ից Հայաստանի գրողների միության անդամ է: Արժանացել է տարբեր պատվոգրերի և շնորհակալագրերի: 2004թ. նրա «Պատմվածքներ» գիրքը արժանացել է Հայաստանի գրողների միության «Լավագույն առաջին գիրք» մրցանակին, 2015թ. «Անահիտի աղբյուրը» փաստագրական պատմավեպը՝ ՀԳՄ և ՀՀ ՊՆ համատեղ մրցանակի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար