ՌՈՒԲԵՆ ՔՈՉԱՐ

Կինոռեժիսոր

Ծնվել է 1953թ. մարտի 26-ին, Երևանում: Նկարիչ, քանդակագործ Երվանդ Քոչարի և գրականագետ Մանիկ Մկրտչյան-Քոչարի որդին է: 1978թ. ավարտել է Երևանի գեղարվեստաթատերական ինստիտուտի կինոռեժիսուրայի բաժինը, ապա` Մոսկվայի Կինոյի և հեռուսատատեսության բարձրագույն դասընթացը: Մասնագիտական գործունեությունն սկսել է 1975թ-ից, «Երևան» ստուդիայում: 1993թ. Լոս Անջելեսում հիմնադրել է Հայկական միջազգային հեռուստատեսային ցանցը (AITN) և այնտեղ հեռարձակվող ամենօրյա «Արփի» հեռուստաժամը: 2003թ. հիմնել է «Երվանդ Քոչար» մշակութային հիմնադրամը, որի հիմնական նպատակն է հայ ժողովրդի մշակույթի պահպանումը, զարգացումը և տարածումը աշխարհի տարբեր երկրներում: Նկարահանել է բազմաթիվ գեղարվեստական, վավերագրական, երաժշտական ֆիլմեր, նաև` ֆիլմ-բալետներ: Գեղարվեստական ֆիլմերից են` «Ավետիք» (1988թ.), «Հերոստրատ» (2001թ.), «Արահետ» (2005թ.), «Մետամորֆոզ» (2008թ.), «Շղթա» (2009թ.), «Բանալի» (2010թ.), «Անունս Վիոլա է» (2013թ.) և այլն: Վավերագրական գործերից են` «Երվանդ Քոչար» (1992թ.), «Քոչարի տարածական նկարչությունը» (2012թ.), երաժշտական ֆիլմերից` «Քվարտետ» (1985թ.), «Տուր ինձ թևեր» (1986թ.), ֆիլմ-բալետներից` «Հեյ, ով կա այդտեղ» (1983թ.), «Հուշեր» (1984թ.), «Լիլիթ» (1986թ.), «Համլետ» (1996թ.) և այլն: Մասնակցել է մի շարք միջազգային կինոփառատոների Լատվիայում, Մեքսիկլայում, Բելոռուսում, արժանացել մրցանակակների և դարձել դափնեկիր: Հեղինակել է մի շարք սցենարներ ու վիպակներ: Զբաղվել է նաև գեղանկարչությամբ, մասնակցել է բազմաթիվ ցուցահանդեսների տարբեր երկրներում: 1983թ-ից Հայաստանի կինեմատոգրաֆիստների միության անդամ է: Բնակվում է Լոս Անջելեսում: 2017թ. արժանացել է Հայաստանի արվեստի վաստակավոր գործչի կոչման:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար