Տիգրան Չիթունի

Բանահավաք, բանասեր

Արշակ Ադամյան

Երաժշտագետ

Սամվել Գրիգորյան

Բանաստեղծ, թարգմանիչ

Գրիգոր Արզումանյան

Պետական գործիչ

Ռաֆայել Դավիդյան

Ջութակահար

Գառնիկ Շախկյան

Ճարտարապետ, ճարտարապետության պատմաբան

Խորեն Հակոբյան

Գեղանկարիչ

Արաքսյա Դավթյան

Օպերային երգչուհի

Էմմա Պապիկյան

Օպերային երգչուհի

Արմենուհի Սեյրանյան

Օպերային երգչուհի

Շավո Օդաջյան

Բաս-կիթառահար, երաժիշտ

Ելենա Վարդանյան

Դերասանուհի

Աշոտ Գևորգյան

Քանդակագործ

 

 

 

 

ԱՂԱՎՆԻ

Բանաստեղծ, արձակագիր, թարգմանիչ

15 հուլիս, 1911 - 2 փետրվար, 1992

Աղավնի Գրիգորյան

Ծնվել է Արևմտյան Հայաստանի Կարսի մարզի Տայլար գյուղում։ 1918թ. գաղթել է Ալեքսանդրապոլ (այժմ՝ Գյումրի)։ 1931թ. ավարտել է Լենինականի մանկավարժական ինստիտուտը: 1930-51թթ աշխատել է «Պիոներ կանչ», «Ավանգարդ», «Կոլխոզնիկ», «Գրական թերթ», «Սովետական Հայաստան» թերթերի և Երևանի ռադիոհաղորդումների խմբագրություններում, Արտասահմանյան երկրների հետ բարեկամության և մշակութային կապի հայկական ընկերությունում: Առաջին բանաստեղծությունը տպագրվել է 1928թ., Լենինականի «Բանվոր» թերթում, իսկ 1930թ. տպագրվել է գրողի «Արտերի լիրիկան» բանաստեղծությունների առաջին ժողովածուն։ Արձակ գործերից հայտնի է «Շիրակ» ինքնակենսագրական վեպը (հ.1, 1954թ., լրիվ հրատ.՝ 1963թ.), որի մեջ հերոսուհու հիշողությունների ու տպավորությունների միջոցով բացահայտել է սոցիալական ու քաղաքական այն տեղաշարժերը, որ ապրել է հայ գյուղը սովետական կարգերի հաստատման և դրան նախորդած ժամանակաշրջանում։ Վեպը թարգմանվել է ռուսերեն և ուկրաիներեն: Գրել է նաև պատմվածքներ («Հայրերի մանկությունը», 1959թ.)։ 1934թ-ից եղել է ԽՍՀՄ գրողների միության անդամ: Կատարել է բազմաթիվ թարգմանություններ Ա.Ծերեթելիից, Մ.Լերմոնտովից, Ս.Մարշակից, Յ.Կուպալայից, Ն.Նեկրասովից, Ա.Պուշկինից և այլ գրողներից: Պարգևատրվել է «Պատվո նշան» (1961թ.), Աշխատանքային կարմիր դրոշի (1971թ.) և Ժողովրդների բարեկամության (1981թ.) շքանշաններով: 1967թ. արժանացել է Հայաստանի մշակույթի վաստակավոր գործչի կոչման, 1985թ.` ՀՀ Պետական մրցանակի («Միշտ կանչող ձայներ» գրքի համար): Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար