Մատթեոս Մամուրյան

Գրող, թարգմանիչ, բանասեր, պատմաբան

Լյուբով Լազարևա

Օպերային երգչուհի

Լևոն Հայկազունի

Կրկեսի արտիստ

Վազգեն Մուրադյան

Կոմպոզիտոր

Կառլոս Աբովյան

Գեղանկարիչ

Վյաչեսլավ Ամիրխանյան

Կինոռեժիսոր, դերասան

Անդրանիկ Խեչումյան

Թարգմանիչ, բեմադրիչ

Կարեն Գևորգյան

Պարող, պարուսույց

Միխայիլ Սիմոնյան

Ջութակահար

Ռեբեկա Դեմիրճյան

Օպերային երգչուհի

 

 

 

 

ԼԵՌ ԿԱՄՍԱՐ

Արձակագիր, երգիծաբան

24 հոկտեմբեր, 1888 - 22 նոյեմբեր, 1965

Արամ Թովմաղյան

Ծնվել է Արևմտյան Հայաստանի Վան քաղաքում, հոգևորականի ընտանիքում: Սովորել է Վանի Ամերիկյան վարժարանում: 1909թ. ավարտել է Էջմիածնի Գևորգյան ճեմարանը: Վերադառնալով Վան՝ աշխատել է սկզբում որպես դերասան, ապա Աղթամարի Սբ. Խաչի դպրանոցում և Վանի մասնավոր Երամյան վարժարանում դասավանդել է հայոց լեզու: Առաջին երգիծական պամֆլետը` «Կամսարյան աշխարհագրությունը», տպագրել է 1910թ. Վանի «Աշխատանք» թերթում, որն անմիջապես հանրահայտ է դարձրել նրան: Առաջին գործերը խմբագրատուն հանձնելիս, հարցրել են, թե ում անվան տակ պետք է տպագրվեն գրվածքները, գրողը պատասխանել է. «Գրեք լեռ...կամ սար», որտեղից առաջացել է նրա կեղծանունը: 1915թ. մասնակցել է Վանի ինքնապաշտպանական կռիվներին: Նույն թվականին ընտանիքով տեղափոխվել է Երևան, աշխատակցել Անդրկովկասի հայ պարբերականներին (ստորագրել է նաև Արա Մասյան): 1921-35թթ եղել է «Խորհրդային Հայաստան» թերթի երգիծական բաժնի աշխատակից: Գրողի նախասիրած ժանրերը եղել են երգիծանքի փոքր ձևերը (ֆելիետոն, պատմվածք, մանրապատում, երգիծական երկխոսություն, թևավոր խոսք և այլն): Սկզբնական շրջանում նրա երգիծանքի հիմնական թեմաներն են եղել համաշխարհային պատերազմի և սրան հաջորդած տարիներին իմպերիալիստական պետությունների երեսպաշտ քաղաքականությունը, միջազգային դիվանագիտության խաղերը «Հայկական հարցի» շուրջ, հայ ազգային կուսակցությունների անհեռատես վարքագիծը, կրոնի սպասավորների մերկացումը: Ֆելիետոնների և մանրապատումների մյուս մասը նվիրված է սոցիալ-կենցաղային թեմաներին: Մի շարք ֆելիետոններում երգիծվում են գրական բարքերը: Նրա երգիծանքում զուգակցվում են կենսական փաստի ճշգրտությունը և չափազանցությունը, գրոտեսկը, արտաքուստ «անմեղ և անտարբեր» պատմելաձևը կոմիկական լիցք է պարունակում: Ստալինյան ռեպրեսիաների պատճառով 1935-55թթ բռնադատվել է` բանտարկվելով սկզբում երևանյան բանտում, այնուհետև աքսորվել Վորկուտա և Բասարգեչար (այժմ՝ Վարդենիս): 1955թ. համաներման ժամանակ վերադարձել է Երևան: Լույս են տեսել հեղինակի «Անվավեր մեռելներ» (1924թ.), «Ազգային այբբենարան» (1926թ., 1954թ.), «Վրիպած արցունքներ» (1934թ.), «Գրաբար մարդիկ» (1959թ.), «Մարդը տանու շորերով» (1965թ.), «Միհատորյակ» (1980թ.), «Երկեր» (1988թ.), «Տպված և անտիպ էջեր» (1994թ.), «Կարմիր օրեր» (2000թ., 2015թ.), «Սաստիկ կոմունիստներ» (2001թ.), «Մահապուրծ օրագիր. 1925-1935թթ» (սկզբնական վերնագիրը՝ «Խորհրդային քաղաքացու օրագիր», 2008թ.), «Խաղք ու խայտառակ աշխարհ» (2008թ., 2013թ.), «Սոցիալիզմի Սահարա» (2009թ.), «Բանտիս օրագիրը» (2010թ.), «Թատերախաղեր» (2013թ.), «Հալոցք» (2013թ.), «Չապրված օրեր» (2016թ.) գրքերը: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար