ԻՇԽԱՆ ՂԱՐԻԲՅԱՆ

7 դեկտեմբեր, 1924 - 25 փետրվար, 2004

Ծնվել է Բաքվում: 1950թ. ավարտել է Երևանի գեղարվեստաթատերական ինստիտուտի դերասանական ֆակուլտետը: Նույն թվականից սկսել է դերասանական գործունեությունը Երևանի Գ.Սունդուկյանի անվան ազգային ակադեմիական թատրոնում: 1954թ-ից եղել է Երևանի Պատանի հանդիսատեսի թատրոնի, 1967-90թթ` Երևանի Հ.Ղափլանյանի անվան պետական դրամատիկական թատրոնի դերասան: 1990թ-ից կրկին վերադարձել է Գ.Սունդուկյանի անվան թատրոն: Խաղացել է մի շարք ներկայացումներում` Վ.Շեքսպիրի «Լիր արքա» (Կոռնովալի դուքս), Մ.Շատրովի «Հանուն հեղափոխության» (Դերժինսկի), Ե.Օտյանի «Սեր և ծիծաղ» (Արթին աղա), Ի.Ֆրանկոյի «Գողացված երջանկություն» (Միկոլա), Օ.Իոսելիանիի «Քանի դեռ սայլը շուռ չի եկել» (Ագաբո) և այլն: Երևանի Պատանի հանդիսատեսի թատրոնում բեմադրել է Մ.Տվենի «Թոմ Սոյերի արկածները» և «Աղքատն ու արքայազնը» ստեղծագործությունները: 1955թ-ից նկարահանվել է ֆիլմերում` «Ոսկե ցլիկը» (1955թ.), «Երջանկության մեխանիկա» (1982թ.), «Կապիտան Առաքել» (1985թ.), «Խնձորի այգի» (1985թ.) և այլն: 1980թ. արժանացել է Հայաստանի ժողովրդական արտիստի կոչման: Մահացել է Երևանում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ