ՍՐԲՈՒՀԻ ՍՏԱՄԲՈԼՑՅԱՆ

Երգչուհի, երգահան

Ծնվել է 1969թ. մարտի 14-ին, Երևանում: Երգեհոնահար Վահագն Ստամբոլցյանի դուստրն է: 1976թ-ից սովորել է Երևանի Կրուպսկայայի անվան միջնակարգ դպրոցում և Սայաթ-Նովայի անվան երաժշտական դպրոցի դաշնամուրի և սրնգի դասարաններում, իսկ Լուսիկ Սարգսյանի դասարանում` կիթառ: 1984թ-ից սովորել է Երևանի Փ.Թերլեմեզյանի անվան գեղարվեստի ուսումնարանի դիզայնի բաժնում: 1986թ. ընդունվել է Երևանի գեղարվեստաթատերական ինստիտուտի դեկորատիվ-կիրառական բաժին, որին զուգահեռ սովորել է վոկալ` Արզաս Ոսկանյանի, շվի` Իլյա Մինասյանի դասարաններում: 1988թ-ից աշխատել է Հայֆիլհարմոնիայի «Հայեր» համույթում` որպես երգչուհի: 1990թ-ից եղել է «Հայհհամերգ» միավորման մենակատար: 1994-2001թթ, ընդհատումներով, աշխատել է Հայաստանի Երգի պետական թատրոնում` որպես մենակատար: 2000-01թթ ազգագրություն, վոկալ-ոճաբանություն է դասավանդել թատրոնին կից ստուդիայում: 2001-06թթ բնակվել է Մոսկվայում, ուր աշխատել է «Moulin Rouge» էլիտար ամսագրում` որպես ոճաբան: Երաժշտական տարբեր ուսումնական հաստատություններում և ստուդիաներում ունեցել է դասընթացներ: 2007թ-ից աշխատում է Հայաստանի Երգի պետական թատրոնում` որպես երգչուհի և դասավանդում է վոկալ-ոճաբանություն: 1992թ. արժանացել է ազգային ֆիլհարմոնիկ գործակալության «Ա-Շոու» ծրագրի «Միսս Սոուլ» կոչման, 2001թ.` «Այո» մրցանակաբաշխության առաջին` «Տարվա լավագույն երգ» մրցանակին: 2011թ. պարգևատրվել է ՀՀ մշակույթի նախարարության պատվոգրով` երաժշտարվեստի ասպարեզում ունեցած ավանդի համար: Հեղինակել է բազմաթիվ երգերի խոսքեր: Հանդիսատեսին առավել ծանոթ է «Տիրամոր գովք» երգի առաջին կատարմամբ և երգչուհի Վարդուհի Վարդանյանի կատարած «Հայաստան աշխարհ» երգի խոսքերով:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար