ՌԱՖԱՅԵԼ ՀՈՎՀԱՆՆԻՍՅԱՆ

Ծնվել է 1968թ. ապրիլի 2-ին, Երևանում: 1984թ. ավարտել է Երևանի թիվ 7 միջնակարգ դպրոցը: 1984-89թթ սովորել է Երևանի Մ.Հերացու անվան պետական բժշկական համալսարանում: 1989-91թթ աշխատել է Աշտարակի ստոմատոլոգիական պոլիկլինիկայում` որպես ատամնաբույժ: 1991-94թթ եղել է Երևանի Մ.Հերացու անվան պետական բժշկական համալսարանի ուրախների և հնարամիտների ակումբի անդամ, որի կազմում դարձել է չեմպիոն, հաղթել է ամառային գավաթներ, մի քանի անգամ ՈւՀԱ երաժշտական փառատոներ: 1994-2004թթ աշխատել է «Շարմ» ընկերությունում` որպես պրոդյուսեր: 2005թ-ից «Համահայկական աշխարհագրական ասոցիացիա» ընկերության նախագահն է: Հայաստանի հանրային հեռուստաընկերությամբ հեղինակել և վարել է «Օտար, ամայի ճամփեքի վրա», «Մերոնք» և «Հայաստանի ճամփեքով» հեռուստանախագծերը: