Ֆիզահի

Աշուղ

Գարեգին Լևոնյան

Գրականագետ, արվեստաբան

Մարգար Դավթյան

Արձակագիր

Արմեն Զուրաբով

Կինոսցենարիստ

Ստեփան Եսայան

Պատմաբան, հնագետ

Արշակ Գառնիկյան

Գեղանկարիչ

Ժիրայր Ավետիսյան

Բանաստեղծ, արձակագիր, դրամատուրգ, թարգմանիչ

Հակոբ Ավետիքյան

Լրագրող, հրապարակախոս

Ալլա Հովհաննիսյան

Դերասանուհի

Ավետիս Բերբերյան

Կոմպոզիտոր

Իռեն Աբելյան

Դերասանուհի

 

 

 

 

ՎԱՀՐԱՄ ԶԱՐՅԱՆ

Մնջախաղաց, պարող

Ծնվել է 1981թ. հոկտեմբերի 18-ին, ՀՀ Լոռու մարզի Շիրակամուտ գյուղում: Տեղի թիվ 1 միջնակարգ դպրոցում ուսանելու տարիներին զուգընթաց 1996թ. սովորել է Վանաձորի Հ.Աբելյանի անվան դրամատիկական թատրոնի ստուդիայում, այնուհետև 1998թ-ից`  Երևանի թատրոնի և կինոյի պետական ինստիտուտում` Գուժ Մանուկյանի արվեստանոցում: 1999թ-ից մասնագիտացել է մնջախաղի և ժամանակակից շարժման թատրոնի ժանրում ու դարձել Երևանի մնջախաղի պետական թատրոնի առաջատար դերասաններից մեկը` խաղալով Յ.Կոստանյանի «Գեներ», Ժ.Դադասյանի «Թռիչք» և «Չարի ծաղիկները» ներկայացումներում: 2001թ. մեկնել է Եվրոպա և շարունակել մասնագիտական ճանապարհը` հրավիրվելով Գերմանիա, այնուհետև` Ֆրանսիա: Այդ շրջանում դասական պարի խորացված մասնագիտական դասընթացների է հաճախել Իվ Կազատիի դասարանում` Փարիզի օպերայից, ինչպես նաև կատարելագործել է գիտելիքները Փարիզի Բելվիլի արվեստանոցում` Իվան Բաչիոչիի հետ ուսումնասիրելով հանրահայտ մեթոդաբան և մնջախաղաց էտիեն Դեկրուի շարժման տեխնիկան: 2003-05թթ մասնագիտացել է Փարիզի Մ.Մարսոյի անվան մնջախաղի միջազգային հեղինակավոր դպրոցում: Եղել է Մարսել Մարսոյի վերջին աշակերտը և դպրոցի վերջին դիպլոմակիրը: 2004-08թթ վարպետության դասեր է անցել Ա.Մնուշկինի, Ք.Կարլսոնի և Մ.Բեժարի հետ: 2008թ. կատարել է գիտահետազոտական աշխատանքներ Ֆրանսիայի Սորբոն համալսարանում` նվիրված Սերգեյ Փարաջանովին և շարժման թատրոնին: Արվեստաբանության թեկնածու է: Մարսոյի դպրոցն ավարտած դերասանների հետ ստեղծել է խումբ` «Théâtre Suspendu» («Թատրոն Սուսպենդու»), որը 2007թ. Փարիզի «Lavoir moderne Parisien» և Չեխիայի «Դիվադլո Նա Պրադլի» Ֆրինժ փառատոնին ներկայացել է մի շարք ներկայացումներով («Sepia Quartet» («Դարչնագույն քառյակ»), «Le Linge» («Լվացքը»)): Զուգահեռ խաղացել է սպիտակ մնջախաղացի դերը Փարիզի Գրանդ օպերայում գալային ներկայացմամբ, 2009-10թթ հարգանքի տուրք մատուցել կինոռեժիսոր Սերգեյ Փարաջանովին` խաղալով «Նռան գույնը կամ 7 կոլաժ» ներկայացման մեջ, և Չարլի Չապլինին` խաղալով ֆիլմից հատուկ մշակված ներկայացման մեջ: 2010-11թթ թատերաշրջանում Փարիզի Տամբուր Ռոյալ թատրոնի Պերգոլեզիի «Լա սերվա պադրոնա» օպերայում կերտել է Վեսպոնեի դերը: 2009թ. հիմնել է իր թատերախումբը` «Compagnie Vahram Zaryan», որի գործունեությունը հիմնականում ծավալված է նոր մնջախաղի և ժամանակակից շարժման թատրոնի զարգացման բնագավառում: Նույն թվականին դրամատուրգ Ֆլորան Բրակոնի հետ ստեղծել է «Confession» («Խոստովանություն») ներկայացումը, որը ներկայացվում է Ֆրանսիայում և ողջ Եվրոպայում, ինչպես նաև 2010թ. Ծաղկաձորում կայացած մնջախաղի միջազգային փառատոնի փակման պաշտոնական արարողությանը: Այս ամենին հետևել է «Իլիա» ներկայացումը, որը ներկայացվել է «Cité Universitaire de Paris»-ում և Արևելյան Եվրոպայում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար