ԱՆՈՒՇ ՄԱՆՈՒԿՅԱՆ

Ծնվել է 1993թ. օգոստոսի 19-ին, Երևանում: 4 տարեկան հասակից պարել է ծնողների ղեկավարած «Փոքրիկ երևանցիներ» պարային համույթում, որի շրջանակներում հյուրախաղերով եղել է եվրոպական մի շարք երկրներում: Համույթում հանդես է եկել նաև որպես  պարուսույց: 17 տարեկան հասակից եղել է Վ.Խանամիրյանի անվան «Բարդիներ» պարային անսամբլի մենակատար: 2008-11թթ սովորել է Երևանի պարարվեստի ուսումնարանում: 2010-14թթ սովորել է Երևանի Խ.Աբովյանի անվան պետական մանկավարժական համալսարանի կուլտուրայի ֆակուլտետում: Պարում է վաստակավոր կոլեկտիվ «Բերդ» պարային համույթում, որի հետ հանդես է եկել բազմաթիվ հյուրախաղերով: 2012թ-ից զբաղվել է նաև մոդելային գործունեությամբ: Մասնակցել է հայտնի մոդելավորողների ցուցադրություններին: 2014-15թթ «ATV» հեռուստաընկերությամբ վարել է «Բրենդ Թայմ» կոմերցիոն հաղորդաշարը: